Pune Crime : पुण्यातील ससून हॉस्पिटलमध्ये धक्कादायक घटना! 11 व्या मजल्यावरून उडी मारून रुग्णाचा मृत्यू

Pune Crime Sassoon hospital : गेल्या काही महिन्यांपासून पुण्यातील ससून हॉस्पिटल माध्यमांमध्ये चर्चेत आहे. कालच एका रुग्णालयाचा ससूनमध्ये उपचाराअभावी तडफडून मृत्यू झाल्याची धक्कादायक माहिती समोर आली होती. अशातच आता ससून रुग्णालयात आज सकाळी एका मनोरुग्णाने 11 व्या मजल्यावरून उडी घेऊन आत्महत्या केल्याची धक्कादायक घटना समोर आली आहे. या मनोरुग्णाचे नाव विजय असे असून, त्याच्या आत्महत्येची माहिती मिळताच पोलिसांनी अधिक तपास सुरू केला आहे. मिळालेल्या माहितीनुसार, विजय नावाच्या या रुग्णाला 5 सप्टेंबर रोजी रेल्वे पोलिसांनी ससून रुग्णालयात उपचारासाठी दाखल केले होते. अशातच आता विजयने स्वत:ला संपवल्याने अनेक प्रश्न उपस्थित होत आहेत.