रस्त्यात अडवत 'पोलिसांनी' काढायला सांगितली गळ्यातील सोनसाखळी; पुण्यातील वृद्धासोबत पुढं विचित्र घडलं

पुणे: पुणे शहरात तोतयागिरी करून फसवणूक करणाऱ्या टोळ्या पुन्हा सक्रिय झाल्या आहेत. कात्रज-कोंढवा रस्त्यावर पोलीस असल्याची बतावणी करून तीन अज्ञात चोरट्यांनी एका ज्येष्ठ नागरिकाला गंडा घातला. चोरट्यांनी त्यांच्या गळ्यातील सुमारे ९० हजार रुपये किमतीची सोन्याची साखळी हिसकावून नेली. याप्रकरणी पीडित ६३ वर्षीय ज्येष्ठ नागरिकाने भारती विद्यापीठ पोलीस ठाण्यात तक्रार दाखल केली आहे. पोलिसांनी तीन अज्ञात चोरट्यांविरोधात फसवणुकीचा गुन्हा नोंदवला आहे.