'त्याला नाही सांग'! लग्नाच्या 'कांदे-पोहे' कार्यक्रमावरून वाद; कोरेगाव पार्कमध्ये मैत्रिणीनेच तरुणीचा चाकूने गळा चिरला

पुणे: लग्नासाठी पाहुणे येणार असल्याने ते टाळण्यासाठी एका तरुणीने मैत्रिणीची मदत मागितली. मात्र, मदत न केल्यानं पुढे जे घडलं ते अत्यंत भयंकर होतं. कोरेगाव पार्क येथील दरवडे मळा परिसरात गुरुवारी (१८ डिसेंबर) दोन मैत्रिणींमध्ये याच कारणावरुन झालेल्या वादाचे रूपांतर रक्तरंजित हल्ल्यात झाले. लग्नासाठी येणाऱ्या पाहुण्यांना फोन करून 'येऊ नका' असे सांगण्यास नकार दिल्याने, संतप्त झालेल्या तरुणीने आपल्याच मैत्रिणीवर चाकूने सपासप वार करून तिला जखमी केले.