Pune Crime: पुणेकरांनो, घरात दागिने ठेवण्याची चूक करू नका; 27 लाखाच्या चोरीची ही घटना वाचून भरेल धडकी

मिळालेल्या माहितीनुसार, तक्रारदार हे व्यवसायानिमित्त बाहेर गेले असताना चोरट्यांनी त्यांच्या बंद फ्लॅटचे कुलूप तोडून आत प्रवेश केला. चोरट्यांनी थेट बेडरूम गाठून कपाटाचे लॉक उचकटले. कपाटात ठेवलेली १५ लाख रुपयांची रोकड आणि सोन्याचे मौल्यवान दागिने असा एकूण २७ लाख ४५ हजार रुपयांचा मुद्देमाल चोरून चोरटे पसार झाले. व्यावसायिक घरी परतल्यानंतर त्यांना घराचा दरवाजा तुटलेला आणि कपाटातील सामान अस्ताव्यस्त दिसले, त्यानंतर त्यांनी तातडीने पोलिसांशी संपर्क साधला.