पुण्यात खळबळजनक घटना! शिक्षकासमोरच चिरला विद्यार्थ्याचा गळा, दहावीच्या मुलांमध्ये गँगवार

पुण्याच्या राजगुरूनगरमध्ये खासगी क्लासमध्येच गँगवार पाहायला मिळालं. यात काही विद्यार्थ्यांनी शिक्षकासमोरच विद्यार्थ्याचा गळा चिरला. विद्यार्थ्यांकडून इतर विद्यार्थ्यांवर चाकूने हल्ला करण्यात आला. या हल्ल्यानंतर हल्ला करणारा विद्यार्थी दुचाकीवर घटनास्थळावरून फरार झाला.

या घटनेची माहिती मिळताच पोलिसांनी तातडीने क्लासच्या ठिकाणी धाव घेतली आणि पंचनामा केला. क्लासरूममध्ये झालेला हा खून पाहून सगळेच चक्रावले. भर दिवसा आणि शिक्षकांच्या समोरच विद्यार्थ्याची हत्या झाल्यामुळे पालकांमध्ये भीतीचे वातावरण पसरलं आहे. पोलिसांनी घटनेच्या प्राथमिक तपासादरम्यान परिसरातील सीसीटीव्ही फुटेज ताब्यात घेतले असून, फरार झालेल्या आरोपी विद्यार्थ्याचा शोध घेण्यात येत आहे. मात्र, घटनेनं परिसरात एकच खळबळ उडाली आहे.