Bus Fare Hike: ऐन दिवाळीत प्रवाशांची लूट, खासगी बस चालकांवर आता थेट कारवाई, हेल्पलाईन नंबर जारी!  

पुणे : दिवाळी सणाच्या काळात गावी जाणाऱ्या प्रवाशांची संख्या मोठी असते. त्यामुळे या काळात खासगी बसचालक प्रवाशांकडून मनमानी पद्धतीने तिकीटदर आकारतात. या गैरप्रकाराला आळा घालण्यासाठी प्रादेशिक परिवहन विभागाने मोठा निर्णय घेतला आहे. एसटीच्या तिकिटापेक्षा दीडपट तिकीट आकारण्याची परवानगी असली, तरी त्यापेक्षा जास्त दर घेतल्यास संबंधित चालक आणि मालकांवर कठोर कारवाई केली जाईल, असा इशारा आरटीओ अधिकारी अर्चना गायकवाड यांनी खासगी बसचालकांना दिला आहे.