पुणेकरांनो लक्ष द्या! जपून वापरा पाणी; 24 तास 'या' भागांचा पाणीपुरवठा पूर्णतः बंद
- Published by:Kiran Pharate
- local18
Last Updated:
पुणे महानगरपालिकेने अत्यावश्यक स्थापत्य विषयक आणि तातडीच्या देखभाल-दुरुस्तीची कामे हाती घेतली आहेत. त्यामुळे आज गुरुवार (१८ डिसेंबर) रोजी संबंधित परिसरातील पाणीपुरवठा पूर्णपणे बंद राहणार आहे.
पुणे: शहरातील बंडगार्डन पाणीपुरवठा विभागांतर्गत येणाऱ्या विविध भागांतील नागरिकांसाठी महत्त्वाची बातमी आहे. पुणे महानगरपालिकेने अत्यावश्यक स्थापत्य विषयक आणि तातडीच्या देखभाल-दुरुस्तीची कामे हाती घेतली आहेत. त्यामुळे आज गुरुवार (१८ डिसेंबर) रोजी संबंधित परिसरातील पाणीपुरवठा पूर्णपणे बंद राहणार आहे.
महानगरपालिकेच्या पाणीपुरवठा विभागाने दिलेल्या माहितीनुसार, गुरुवारी दिवसभर ही दुरुस्तीची कामे चालणार आहेत. याचा परिणाम म्हणून शुक्रवार, १९ डिसेंबर रोजी देखील पाणीपुरवठा सुरळीत होण्यास वेळ लागणार आहे. त्यामुळे उद्याही सकाळी उशिरा आणि कमी दाबाने पाणी मिळण्याची शक्यता आहे.
advertisement
या भागांवर होणार परिणाम: पाणीपुरवठा बंद राहणाऱ्या भागांमध्ये प्रामुख्याने येरवडा, संगमवाडी, टिंगरेनगर, विद्यानगर, वडगावशेरी, खराडी, चंदननगर, सोमनाथनगर, विमाननगर, लोहगाव आणि विश्रांतवाडी या परिसरांचा समावेश आहे. यासोबतच नागपूर चाळ, कल्याणीनगर, धानोरी, कलवड, प्रतिकनगर (काही भाग), कस्तुरबा वसाहत, मोहवाडी आणि जाधवनगर या भागांतील नळांनाही आज पाणी येणार नाही.
दुरुस्तीचे काम तातडीचे असल्याने नागरिकांनी उपलब्ध पाण्याचा वापर जपून करावा. तसेच, घरगुती वापरासह व्यापारी संस्था आणि आस्थापनांनी पुरेसा पाणीसाठा करून ठेवावा. जेणेकरून पुढील २४ तास कोणतीही अडचण निर्माण होणार नाही, असे आवाहन पालिकेच्या वतीने करण्यात आले आहे. या काळात नागरिकांनी पाण्याचा जपून व नियोजनबद्ध वापर करावा तसेच महापालिकेला सहकार्य करावे, असे आवाहन अधीक्षक अभियंता लप्कर यांनी केले आहे. दरम्यान, देखभाल-दुरुस्तीची कामे नियोजित वेळेत पूर्ण करण्याचा प्रयत्न करण्यात येणार असून, कामे पूर्ण झाल्यानंतर टप्प्याटप्प्याने पाणीपुरवठा पूर्ववत करण्यात येईल.
view commentsLocation :
Pune,Maharashtra
First Published :
December 18, 2025 1:40 PM IST
मराठी बातम्या/पुणे/
पुणेकरांनो लक्ष द्या! जपून वापरा पाणी; 24 तास 'या' भागांचा पाणीपुरवठा पूर्णतः बंद










