Pune News : ‘विश्वास 2025’ प्रकल्पाचा कचरा वेचकांना फटका, रोजगार आला धोक्यात, कामगारांचे नेमके म्हणणे काय?

पुणे : पुणे महानगरपालिकेने विमाननगर परिसरात PMC Vishwas 2025 हा यांत्रिकीकरणाचा प्रयोग सुरू केला आहे. पण या प्रकल्पाचा फटका तिथे काम करणाऱ्या कचरा वेचकांना बसत आहे. पगार वेळेवर मिळत नाही, असा आरोप कचरा वेचक कामगारांनी केला आहे. या प्रकल्पाची अंमलबजावणी 1 सप्टेंबरपासून सुरू झाली. याआधी विमाननगर भागात स्वच्छ संस्थेच्या सुमारे 60 कचरा वेचकांकडून घराघरांतून कचरा गोळा केला जात होता. प्रकल्प सुरू करताना सर्व विद्यमान कामगारांना नव्या प्रणालीत समाविष्ट केले जाईल, अशी खात्री महापालिकेने दिली होती. मात्र प्रत्यक्षात तसे झाले नाही, असा आरोप कामगारांकडून करण्यात आला आहे.