Chhath Puja 2025 : रेल्वेचा मोठा निर्णय, पुण्यातून धावणार 11 विशेष गाड्या, पाहा वेळापत्रक

पुणे : बिहार आणि पूर्व उत्तर प्रदेशातील लोकांसाठी अत्यंत महत्त्वाचा असलेला छठपूजा सण रविवारी 26 ऑक्टोबरला मोठ्या उत्साहात साजरा होणार आहे. या पार्श्वभूमीवर पुण्यात राहणाऱ्या बिहारमधील नागरिकांची गावाकडे जाण्याची लगबग सुरू झाली असून, प्रवाशांच्या वाढत्या गर्दीमुळे पुणे रेल्वे विभागाने विशेष तयारी केली आहे. पुणे आणि हडपसर रेल्वे स्थानकांवरून बिहारकडे जाणाऱ्या एकूण 11 रेल्वे गाड्यांना हिरवा कंदील दाखवण्यात आला आहे.