Trending:

Dream Meaning : स्वप्नात हे जीव दिसले तर समजा भाग्य खुलणार! पैसा, पद, प्रेम आणि प्रतिष्ठा सगळं मिळणार झटपट

Published by:Devika Shinde

Last Updated:November 03, 2025 8:58 PM IST

काही स्वप्नं आयुष्यात चांगले संकेत देतात, तर काही येणाऱ्या अडचणींची पूर्वसूचना असतात. चला जाणून घेऊया, कोणती स्वप्नं अत्यंत शुभ मानली जातात आणि त्यांचे अर्थ काय आहेत.

इम्पॅक्ट शॉटतुमचा गेटवे लेटेस्ट न्यूज

मुंबई : स्वप्न म्हणजे आपल्या मनाचा आरसा असतो. आपण झोपेत पाहिलेल्या गोष्टी आपल्या अवचेतन विचारांशी जोडलेल्या असतात. परंतु केवळ मानसिक नव्हे, तर धार्मिक आणि ज्योतिषशास्त्राच्या दृष्टीनेही स्वप्नांना मोठं महत्त्व दिलं जातं. ज्योतिषशास्त्रात ‘स्वप्नशास्त्राला' खूप महत्व आहे. यामध्ये स्वप्नांचे अर्थ आणि त्यांचे शुभ-अशुभ परिणाम स्पष्ट करते. काही स्वप्नं आयुष्यात चांगले संकेत देतात, तर काही येणाऱ्या अडचणींची पूर्वसूचना असतात. चला जाणून घेऊया, कोणती स्वप्नं अत्यंत शुभ मानली जातात आणि त्यांचे अर्थ काय आहेत.

स्वप्नात गाय दिसणे

स्वप्नशास्त्रानुसार, स्वप्नात गाय दिसणे हे अत्यंत शुभ मानले जाते. हिंदू धर्मात गाय ही पूजनीय आहे आणि तिच्यात 33 कोटी देवी-देवतांचा वास असल्याचं मानलं जातं. जर स्वप्नात तुम्हाला गाय दिसली, तर याचा अर्थ देवी-देवता तुमच्यावर प्रसन्न आहेत. लवकरच तुम्हाला धनलाभ, सन्मान आणि शांती मिळण्याची शक्यता असते.

स्वप्नात घुबड दिसणे

स्वप्नात घुबड दिसणे म्हणजे धनलाभाचा संकेत. लक्ष्मीदेवीचा वाहन मानला जाणारा घुबड, समृद्धीचं प्रतीक आहे. जर स्वप्नात घुबड दिसलं, तर हे संकेत असतात की लक्ष्मीदेवी तुमच्यावर कृपादृष्टी ठेवत आहेत आणि तुमच्या आयुष्यात आर्थिक प्रगती होणार आहे.

स्वप्नात हत्ती दिसणे

हत्ती हा ऐश्वर्य, सामर्थ्य आणि प्रतिष्ठेचं प्रतीक आहे. स्वप्नात हत्ती दिसणे म्हणजे तुमच्या जीवनात सन्मान, वैभव आणि स्थिरता वाढणार आहे. अशा व्यक्तीला समाजात प्रतिष्ठा मिळते आणि त्याचं आयुष्य समृद्ध आणि आनंदी होतं.

स्वप्नात साप दिसणे

सापाचं स्वप्न नेहमी वाईट असतं असं नाही. उलट, स्वप्नात काळा नाग दिसला तर तो धनवाढीचा आणि प्रगतीचा संकेत असतो. हे स्वप्न सांगतं की लवकरच तुमचं भाग्य उजळणार आहे आणि तुमच्या प्रयत्नांना मोठं यश मिळेल.

स्वप्नात मोर दिसणे

मोर हा सौंदर्य, प्रेम आणि आनंदाचं प्रतीक आहे. जर स्वप्नात मोर दिसला, तर तो जीवनात आनंद, प्रेम आणि शुभवार्ता येण्याचा इशारा देतो. हे स्वप्न जीवनात नवीन उत्साह आणि सकारात्मकता घेऊन येतं.

थोडक्यात, स्वप्नं ही केवळ कल्पना नसतात, तर ती आपल्या आयुष्यात येणाऱ्या बदलांचे संकेत देतात. म्हणूनच, पुढच्या वेळी तुम्हाला असं कोणतं स्वप्न पडलं, तर त्याचा अर्थ समजून घेण्याचा प्रयत्न जरूर करा कदाचित ते तुमचं नशीब उजळवणारे ठरू शकतं.

(नोट : वरील माहिती सामान्य माहितीवर आधारीत आहे. न्यूज 18 मराठी अंधश्रद्धेला खतपाणी घालत नाही. आमचा उद्देश तुमच्यापर्यंत माहिती पोहोचवण्याचा आहे.)

view comments

Location :

Mumbai,Maharashtra

First Published :

November 03, 2025 8:58 PM IST

Dream Meaning : स्वप्नात हे जीव दिसले तर समजा भाग्य खुलणार! पैसा, पद, प्रेम आणि प्रतिष्ठा सगळं मिळणार झटपट