Astro: डोळ्याची पापणी फडफडणं शुभ की अशुभ? अचानक घडणाऱ्या या गोष्टींचा संकेत मानतात
- Published by:Ramesh Patil
Last Updated:
Fluttering of the eyelids : सामुद्रिक शास्त्रामध्ये सर्व मानवी अवयवांच्या कार्याचा सखोल अभ्यास केला जातो. शास्त्रानुसार डोळे फडफडण्याचा अर्थ महिला आणि पुरुषांमध्ये वेगळा आहे.
मुंबई, 19 डिसेंबर : आजही सनातन धर्मात अशा अनेक जुन्या समजुती आहेत ज्या अंधश्रद्धा मानल्या जातात. काही लोक त्याची वैज्ञानिक कारणे स्वीकारतात. अशीच एक श्रद्धा डोळ्यांच्या पापण्या फडफडण्याशी संबंधित आहे. काही लोक याला शकुन-अपशकुन म्हणून पाहतात, परंतु यामागे धार्मिक आणि वैज्ञानिक दोन्ही कारणे आहेत. सामुद्रिक शास्त्रामध्ये सर्व मानवी अवयवांच्या कार्याचा सखोल अभ्यास केला जातो. शास्त्रानुसार डोळे फडफडण्याचा अर्थ महिला आणि पुरुषांमध्ये वेगळा आहे. महिलांच्या डाव्या डोळ्याचे आणि पुरुषांच्या उजव्या डोळ्याची पापणी फडफडणे शुभ मानले जाते. डोळ्याच्या पापण्या फडफडण्यामुळे काय होते ते जाणून घेऊया.
सामुद्रिक शास्त्रानुसार पुरुषाचा उजव्या डोळ्याची पापणी फडफडल्यावर शुभ परिणाम प्राप्त होतात. त्यामुळे त्याच्या सर्व मनोकामना पूर्ण होतील, असे मानले जाते. त्यामुळे धनलाभ आणि पदोन्नतीचे योगही आहेत. तर स्त्रियांमध्ये असं होणं अशुभ लक्षण मानलं जातं. त्यांच्यासाठी हा वाईट संकेत असू शकतो. असे मानले जाते की, त्यामुळे स्त्रीने केलेले काम बिघडते किंवा जीवनात अडचणी येऊ लागतात.
advertisement
सामुद्रिक शास्त्रात सांगितले आहे की, जर एखाद्या स्त्रीच्या डाव्या डोळ्याची पापणी फडफडत असेल तर हे त्या स्त्रीसाठी शुभ लक्षण आहे. असे म्हटले जाते की ज्या महिलेचा डावा डोळा फडफडतो त्यांना चांगले पैसे मिळतात. यासोबतच जर एखाद्या पुरुषाची डावा डोळा फडफडला तर त्या व्यक्तीला इजा होण्याची शक्यता असते.
advertisement
वैज्ञानिक कारण -
वैज्ञानिक कारणांनुसार, डोळ्यांच्या पापण्या फडफडणे हे स्नायूंमध्ये काही प्रकारच्या तणावामुळे होते. जसे की वेळेवर पुरेशी झोप न मिळणे, टेन्शन घेणे, जास्त थकणे किंवा लॅपटॉपवर जास्त वेळ काम करणे यामुळेही पापण्या फडफडत असतात.
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
Location :
Mumbai,Maharashtra
First Published :
December 19, 2023 9:01 AM IST
मराठी बातम्या/अध्यात्म/
Astro: डोळ्याची पापणी फडफडणं शुभ की अशुभ? अचानक घडणाऱ्या या गोष्टींचा संकेत मानतात
