Vastu Tips: घरात पूर्वजांचे फोटो कोणत्या भिंतीवर लावलेत? ही एक चूक कुटुंबावर संकटे आणते
- Published by:Ramesh Patil
Last Updated:
Vastu Tips Marathi: घरात पूर्वजांचे फोटो लावण्यापूर्वी काही गोष्टी जाणून घेणे अत्यंत आवश्यक आहे. पूर्वजांचे फोटो घरात कसे लावलेले असावेत, याविषयी ज्योतिषी आणि वास्तु सल्लागार पंडित कृष्णकांत शर्मा यांनी दिलेली माहिती जाणून घेऊ.
मुंबई : पूर्वजांच्याविषयी आपल्या मनात चांगली- भावना असते. त्यांनी पूर्वी केलेल्या अनेक चांगल्या-वाईट गोष्टींचा आपल्या जीवनावरही प्रभाव असतो. हिंदू धर्मात विशेषत: पितृपक्षाच्या वेळी सर्वजण आपल्या पूर्वजांचे स्मरण करतात आणि त्यांच्यासाठी पिंडदान-दानधर्माचे पालन करतात. आपल्या प्रियजनांच्या मृत्यूनंतर आपण त्यांचे फोटो, आशीर्वाद राहावा म्हणून किंवा त्यांच्या स्मरणार्थ कायमस्वरुपी घरात लावतो.
पूर्वजांचे फोटो लावण्यापूर्वी काही गोष्टी जाणून घेणे अत्यंत आवश्यक आहे. पूर्वजांचे फोटो घरात कसे लावलेले असावेत, याविषयी ज्योतिषी आणि वास्तु सल्लागार पंडित कृष्णकांत शर्मा यांनी दिलेली माहिती जाणून घेऊ.
1. पूर्वजांचे फोटो टांगू नका
वास्तुशास्त्रानुसार आपल्या पूर्वजांचे चित्र घरातील भिंतीवर टांगून ठेवू नये. ते नेहमी लाकडी स्टँडच्यावर ठेवले पाहिजेत.
2. जास्त फोटो नकोत -
वास्तुशास्त्रानुसार, आपल्या पूर्वजांची जास्त फोटो घरात ठेवू नयेत. सर्वांची वारंवार नजर त्यांच्यावर पडेल अशा ठिकाणी पूर्वजांचे फोटो लावू नयेत. वास्तुशास्त्रानुसार, पूर्वजांचे चित्र पाहिल्यास घरामध्ये नकारात्मकता वाढते.
advertisement
3. देव आणि पूर्वजांचे फोटो एकत्र नको -
वास्तुशास्त्रानुसार पूर्वज आणि देवतांचे चित्र वेगवेगळ्या ठिकाणी ठेवावे. या दोघांचे फोटो तुमच्या घरातील पूजेच्या ठिकाणी ठेवल्यास तुमच्या जीवनात अडचणी वाढू शकतात, त्यामुळे पूर्वजांचे चित्र पूजास्थानापासून दूर ठेवा.
4. या ठिकाणी पूर्वजांचे चित्र लावू नका-
वास्तुशास्त्रानुसार घराच्या मध्यभागी, स्वयंपाकघरात आणि बेडरूममध्ये पूर्वजांचे फोटो कधीही लावू नयेत. या ठिकाणी चित्रे लावल्याने घरातील शांतता भंग पावते.
advertisement
5. पूर्वजांचा फोटो कोणत्या दिशेला असावा -
वास्तुशास्त्रानुसार पूर्वजांचा फोटो नेहमी उत्तर दिशेच्या भिंतीवर लावावा. धार्मिक शास्त्रानुसार दक्षिण दिशा ही पितरांची दिशा मानली जाते. याशिवाय जिवंत लोकांसोबत पूर्वजांचे फोटो कधीही लावू नये. यामुळे त्यांचे आयुष्य कमी होते, असे मानले जाते.
advertisement
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
Location :
Mumbai,Maharashtra
First Published :
Nov 26, 2024 2:00 PM IST
मराठी बातम्या/अध्यात्म/
Vastu Tips: घरात पूर्वजांचे फोटो कोणत्या भिंतीवर लावलेत? ही एक चूक कुटुंबावर संकटे आणते
