आज वर्षातलं पहिलं सूर्यग्रहण! देवांची पूजा करावी की नाही? सूतक काळ किती असणार?

मुंबई : आज सकाळपासून अनेकांच्या मनात एकच प्रश्न घोळत आहे. आज सूर्यग्रहण आहे का? सुतक पाळायचे का आणि मंदिरे बंद राहणार का? १७ फेब्रुवारी २०२६ हा दिवस खगोलशास्त्र आणि ज्योतिष या दोन्ही दृष्टीने महत्त्वाचा मानला जात आहे.कारण आज वर्षातील पहिले सूर्यग्रहण होत आहे. हे ग्रहण कंकणाकृती स्वरूपाचे असून त्याला “अग्नीचे वलय” असेही म्हटले जाते. मात्र, दिलासादायक बाब म्हणजे हे सूर्यग्रहण भारतात कुठेही दिसणार नाही. तरीसुद्धा, ग्रहणाचा उल्लेख होताच लोकांमध्ये कुतूहलाबरोबरच थोडीशी चिंता निर्माण होते. ज्येष्ठ नागरिक सुतक काळाबाबत चर्चा करतात, तर तरुण मंडळी सोशल मीडियावर लाईव्ह स्ट्रीम शोधताना दिसतात. अशा परिस्थितीत, आजच्या सूर्यग्रहणाबाबतची खरी माहिती जाणून घेणे महत्त्वाचे ठरते.