Dasara Muhurat 2025: दसरा नेमका कधी? तिथी, मुहूर्त आणि पूजा पद्धती, संपूर्ण माहिती

पुणे: विदयादशमी दसरा हा हिंदू धर्मातील अत्यंत पवित्र सण आहे. दरवर्षी आश्विन महिन्यातील शुक्ल पक्षाच्या दहाव्या दिवशी हा साजरा केला जातो. हिंदू मान्यतेनुसार, भगवान रामाने रावणाचा वध करून सीतेला मुक्त केले. या दिवशी रावण, कुंभकर्ण आणि मेघनाद यांच्या पुतळ्यांचे दहन केले जाते. तसेच देवी दुर्गेने महिषासुर राक्षसाचा वध करून अधर्मावर धर्माचा विजय मिळवला, म्हणून या सणाला विजयादशमी असेही म्हणतात. या दिवशी शस्त्र पूजनही केले जाते. यंदा दसरा 2 ऑक्टोबर रोजी साजरा केला जाणार आहे. याबाबत पुणे येथील शंकर पाटील गुरुजी यांनी माहिती दिलीये.