वनडेमध्ये ऑस्ट्रेलियाच्या खेळाडूचा दबदबा, 141 चेंडूत ठोकली ट्रिपल सेंचुरी; भारताकडून हिसकावला होता वर्ल्ड कप

Harjas Singh Triple Century In ODI : कधीकधी, क्रिकेटच्या मैदानावरील कामगिरी इतिहास घडवते. ऑस्ट्रेलियाचा माजी अंडर-19 खेळाडू हरजस सिंगनेही असेच काहीसे साध्य केले. त्याने सिडनी ग्रेड क्रिकेट न्यू साउथ वेल्स प्रीमियर क्रिकेट स्पर्धेत सर्वांना आश्चर्यचकित करणारी खेळी केली. वेस्टर्न सबर्ब्सकडून खेळताना, या फलंदाजाने सिडनी क्रिकेट क्लबविरुद्ध 50 षटकांच्या सामन्यात त्रिशतक झळकावून इतिहास रचला. २० वर्षीय निकोलस कटलर आणि जोशुआ क्लार्क यांच्यात 70 धावांची सलामी भागीदारी झाल्यानंतर तो तिसऱ्या क्रमांकावर फलंदाजीला आला. पहिल्या काही चेंडूंवर स्थिरावल्यानंतर, हरजसने चौकार आणि षटकारांचा वर्षाव केला. हरजसने प्रथम 33 चेंडूत अर्धशतक पूर्ण केले. अर्धशतक पूर्ण केल्यानंतर तो काही क्षणांसाठी मंदावला, परंतु नंतर, 74 चेंडूत शतक पूर्ण केले.