काय सांगता! 176.5 kmph च्या स्पीडने मिचेल स्टार्कने रोहितला टाकला बॉल? क्रिकेट इतिहासातील सर्वात फास्ट, पाहा काय घडलं?

मात्र, विराट कोहलीच्या विकेटपेक्षा रोहित शर्माला टाकलेल्या एका बॉलची जास्त चर्चा होत आहे. स्पीड गनमध्ये स्टार्कच्या या पहिल्या बॉलचा वेग 176.5 किमी प्रति तास (km/h) दाखवण्यात आला, ज्यामुळे ही घटना इंटरनेटवर त्वरित व्हायरल झाली. क्रिकेट फॅन्सनी स्पीड गनमधील या चुकीची खिल्ली उडवली. जर हा वेग खरा असता, तर स्टार्कच्या नावावर क्रिकेटच्या इतिहासातील सर्वात जलद बॉल टाकण्याचा वर्ल्ड रेकॉर्ड झाला असता. अनेकदा ऑस्ट्रेलिया किंवा इंग्लंड सारख्या देशांमध्ये स्पीड गनमध्ये चुकीचे आकडे दर्शवल्याचं पहायला मिळतं. अशीच चूक पुन्हा झाली.

स्टार्कने भारतीय टॉप ऑर्डरविरुद्ध सुमारे 140 किमी प्रति तास (km/h) च्या सरासरी वेगाने स्पेल टाकला. त्याचा सर्वात जलद बॉल 145 किमी प्रति तास (km/h) वेगाने रोहित शर्माला टाकण्यात आला होता. स्टार्कच्या वेगवान बॉलिंगमुळे आणि पर्थच्या पिचवरून मिळणाऱ्या उसळीमुळे रोहित शर्मा स्पष्टपणे निराश झाला. स्टार्कने त्याला सहज रन करण्याची संधी दिली नाही.

दरम्यान, क्रिकेटच्या इतिहासातील सर्वात वेगवान बॉल टाकण्याचा रेकॉर्ड पाकिस्तानचा महान बॉलर शोएब अख्तरच्या नावावर आहे. 2003 च्या वर्ल्ड कपमध्ये त्याने इंग्लंडच्या निक नाईटला 161.3 किमी प्रति तास (km/h) वेगाने बॉल टाकला होता, जो आजही वर्ल्ड रेकॉर्ड आहे.