Virat Kohli : विराटच्या पाया पडणाऱ्याला पोलिसांचा दणका, पैसे वाचवून तिकीट काढलं, पण स्टंटबाजी महागात पडली!

रांची : भारत आणि दक्षिण आफ्रिका यांच्यातील रांची येथे खेळल्या गेलेल्या पहिल्या एकदिवसीय सामन्यात विराट कोहलीने 135 रनची शानदार खेळी केली. विराटने शतक पूर्ण केल्यानंतर, स्टेडियममध्ये बसलेला एक चाहता बाऊंड्री ओलांडून थेट मैदानात घुसला. हा चाहता धावत क्रीजकडे गेला आणि त्याने थेट विराटचे पाय धरले, सुरूवातीला त्याला पाहून विराट कोहलीही घाबरला. आपल्या दिशेने कोणीतरी येत आहे, याची त्याला कल्पनाच नव्हती. त्यानंतर सुरक्षा रक्षक आले आणि त्यांनी चाहत्याला स्टेडियमबाहेर नेले. चाहत्याला बाहेर घेऊन जाताना पोलिसही दिसले. पण तो चाहता आता कुठे आहे? क्रिकेट सामन्यात सुरक्षा भंग केल्यास काय शिक्षा दिली जाऊ शकते ते जाणून घेऊया.