IND vs SA : क्रिकेटचा सुपर संडे, विराट-रोहित मैदानात, किती वाजता सुरू होणार भारत-आफ्रिका पहिली वनडे?
- Published by:Shreyas Deshpande
Last Updated:
भारत आणि दक्षिण आफ्रिका यांच्यातल्या 3 वनडे मॅचच्या सीरिजला रविवार 30 नोव्हेंबरपासून सुरूवात होणार आहे.
रांची : भारत आणि दक्षिण आफ्रिका यांच्यातल्या 3 वनडे मॅचच्या सीरिजला रविवार 30 नोव्हेंबरपासून सुरूवात होणार आहे. टेस्ट सीरिजमध्ये 2-0 ने व्हाईट वॉश झाल्यानंतर आता वनडे सीरिजमध्ये या पराभवाचा बदला घेण्यासाठी मैदानात उतरेल. टेस्ट सीरिज खेळलेल्या 7 खेळाडूंना वनडे सीरिजसाठी निवडण्यात आलेलं नाही. जसप्रीत बुमराहला वनडे सीरिजसाठी विश्रांती देण्यात आली आहे, तर शुभमन गिल मानेच्या दुखापतीतून अजून सावरलेला नाही. मोहम्मद सिराज, आकाश दीप, देवदत्त पडिक्कल, साई सुदर्शन आणि अक्षर पटेल यांना संधी मिळाली नाही. गिलच्या गैरहजेरीमध्ये केएल राहुलकडे टीम इंडियाची कॅप्टन्सी देण्यात आली आहे.
दुसरीकडे रोहित शर्मा आणि विराट कोहली यांचं टीममध्ये कमबॅक झालं आहे. याआधी मागच्या महिन्यात विराट आणि रोहित ऑस्ट्रेलियाविरुद्धच्या वनडे सीरिजमध्ये खेळले होते. रोहितने ऑस्ट्रेलियाविरुद्ध एक शतक आणि एक अर्धशतक झळकावलं होतं. तर विराट कोहली दोन सामन्यांमध्ये शून्य रनवर आऊट झाला, त्यानंतर तिसऱ्या सामन्यात त्याने अर्धशतक केलं.
कुठे होणार भारत-दक्षिण आफ्रिका पहिली वनडे?
advertisement
भारत आणि दक्षिण आफ्रिका यांच्यातली पहिली वनडे रविवारी रांचीच्या मैदानात खेळवली जाणार आहे.
किती वाजता सुरू होणार सामना?
भारत आणि दक्षिण आफ्रिकेतली पहिल्या वनडे मॅचचा टॉस दुपारी 1 वाजता होईल तर दुपारी 1.30 वाजता मॅचला सुरूवात होईल.
कुठे पाहता येणार मॅच?
भारत-दक्षिण आफ्रिका यांच्यातली पहिली वनडे मॅच स्टार स्पोर्ट्स नेटवर्कवर लाईव्ह पाहता येईल. तर मॅचचं लाईव्ह स्ट्रिमिंग जियो हॉटस्टार ऍप आणि वेबसाईटवर दिसेल.
advertisement
भारतीय टीम
रोहित शर्मा, यशस्वी जयस्वाल, विराट कोहली, तिलक वर्मा, ऋतुराज गायकवाड, नितीश कुमार रेड्डी, वॉशिंग्टन सुंदर, रवींद्र जडेजा, केएल राहुल (कर्णधार), ऋषभ पंत, ध्रुव जुरेल, कुलदीप यादव, हर्षित राणा, प्रसिद्ध कृष्णा, अर्शदीप सिंग
भारत-दक्षिण आफ्रिका वनडे सीरिजचं वेळापत्रक
पहिली वनडे- 30 नोव्हेंबर, रांची
दुसरी वनडे- 3 डिसेंबर, रायपूर
तिसरी वनडे- 6 डिसेंबर, विशाखापट्टणम
view commentsLocation :
Ranchi,Jharkhand
First Published :
November 29, 2025 9:19 PM IST
मराठी बातम्या/स्पोर्ट्स/
IND vs SA : क्रिकेटचा सुपर संडे, विराट-रोहित मैदानात, किती वाजता सुरू होणार भारत-आफ्रिका पहिली वनडे?


