IND vs WI : खतरनाक शॉटवर साईचा चमत्कार, दुखापत झाली तरी कॅच पकडला, Video पाहून शॉक व्हाल!

टेस्ट मॅचच्या पहिल्या इनिंगमध्ये बॅटिंग करताना साई सुदर्शन शतकापासून चुकला, पण फिल्डिंग करताना त्याने कोणतीही चूक केली नाही. शॉर्ट लेगवर साई सुदर्शनने असा कॅच पकडला, जे पाहून टीम इंडियाचे खेळाडूही अवाक झाले. रवींद्र जडेजाच्या बॉलिंगवर कॅम्पबेलने जलद स्वीप शॉट मारला, पण साई सुदर्शनने चित्त्यासारखी चपळता दाखवली. हा कॅच पकडल्यानंतर साई सुदर्शनला दुखापतही झाली, त्यामुळे त्याला मैदानातून बाहेर जावं लागलं.

या सामन्यात टॉस जिंकल्यानंतर भारताने पहिले बॅटिंगचा निर्णय घेतला, यानंतर यशस्वी जयस्वाल आणि शुभमन गिलच्या शतकाच्या जोरावर भारताने 5 विकेट गमावून 518 रन केले आणि डाव घोषित केला. साई सुदर्शनने 87 रनची खेळी केली, तर नितीश कुमार रेड्डीने 49, ध्रुव जुरेलने 44 आणि केएल राहुलने 38 रन केले. वेस्ट इंडिजकडून वॉरिकनने 3, रॉस्टन चेसने एक विकेट घेतली.

दुसऱ्या दिवसाचा खेळ संपला तेव्हा वेस्ट इंडिजने 140 रनवर 4 विकेट गमावल्या आहेत, त्यामुळे ते आणखी 378 रननी पिछाडीवर आहेत. भारताकडून रवींद्र जडेजाला 3 आणि कुलदीप यादवला एक विकेट मिळाली आहे. वेस्ट इंडिजकडून शाय होप 31 रनवर आणि टेव्हिन इमलाच 14 रनवर बॅटिंग करत आहे.