IND vs PAK : पुन्हा भिडणार भारत आणि पाकिस्तान! कधी होणार महामुकाबला? सूर्याला चकित करणाऱ्या खेळाडूकडे टीम इंडियाची कॅप्टन्सी

पाकिस्तानविरुद्ध टीम इंडियाची जबाबदारी सांभाळणारा हा खेळाडू दुसरा तिसरा कुणी नसून आयुष म्हात्रे आहे. ज्याला चेन्नई सुपर किंग्जमध्ये घेण्यात आलं होतं. भारतीय संघाची घोषणा होताच आयुष म्हात्रेने सय्यद मुश्ताक अली ट्रॉफी स्पर्धेत मुंबईकडून खेळताना दमदार शतकी खेळी केली आहे. या सामन्यात धावांचा पाठलाग करताना आयुषने 8 फोर आणि 8 सिक्स खेचले. यासह त्याने 59 चेंडूत 110 धावांची वादळी खेळी केली. अशातच पाकिस्तानविरुद्ध आयुष म्हात्रेला चांगली कामगिरी करावी लागणार आहे.

आशियाई क्रिकेट परिषदेने 2025 च्या पुरुष अंडर-19 आशिया कपचे वेळापत्रक जाहीर केले आहे. ही स्पर्धा 12 ते 21 डिसेंबर 2025 दरम्यान दुबई, युएई येथे होणार आहे. या स्पर्धेत पाकिस्तान, भारत, श्रीलंका, अफगाणिस्तान, बांगलादेश आणि आगामी पात्रता फेरीतून पात्र ठरणारे अतिरिक्त संघ सहभागी होतील. बहुप्रतिक्षित सामन्यात, पाकिस्तान आणि भारत 14 डिसेंबर रोजी ग्रुप स्टेजला सामन्यात एकमेकांसमोर येतील.

टीम इंडियाची अंडर 19 टीम - आयुष म्हात्रे (कॅप्टन), विहान मल्होत्रा (उपकर्णधार), वैभव सूर्यवंशी, वेदांत त्रिवेदी, अभिज्ञान कुंडू (विकेटकीपर), हरवंश सिंह, युवराज गोहिल, कनिष्क चौहान, खिलन ए पटेल, नमन पुष्पक, डी दीपेश, हेनिल पटेल, किशन कुमार सिंह (फिटनेसवर अवलंबून), उद्धव मोहन आणि ऐरन जॉर्ज.