सेलिब्रेटींसारखं फॅन्सी डाएट नाही, तुम्ही खाता तेच खाते प्रिया बापट; तरी इतकी फिट, कसं काय?

अभिनेत्री प्रिया बापटचा असंभव हा सिनेमा नुकताच प्रेक्षकांच्या भेटीला आलेला आहे. या सिनेमाच्या निमित्तानं प्रियाचा एक वेगळा अंदाज प्रेक्षकांना पाहायला मिळणार आहे. प्रिया सध्या या सिनेमाच्या प्रमोशनमध्ये बिझी आहे. news18 लोकमतशी बोलताना प्रियाने तिचं फिटनेस सीक्रेट सांगितलं. 

 प्रिया बापट तिच्या फिटनेस, ग्लोइंग स्किन आणि टोंड लूकमुळे नेहमीच चर्चेत असते. प्रत्येक इव्हेंटमध्ये उठून दिसणारा तिचा लुक, नैसर्गिक सौंदर्य आणि हेल्दी बॉडी यामागे काय रहस्य आहे, याची उत्सुकता चाहत्यांना सतत लागून राहते. 

फिटनेससाठी काय करते असा प्रश्न विचारला असता प्रिया म्हणाली, "व्यायाम करते. पाणी भरपूर पिते. क्लिन इटिंग, त्याला काही पर्याय नाही. मी फूडी नाहीये पण मला गोड खूप आवडतं. वडापाव, बर्गर, पिझ्झा, फ्रँकी मला आवडतही नाही. मला वरण, भात, उसळ, कोशिंबीर, भाकरी हे जेवणात असेल तर मी सगळ्यात सुखी असते."

"ओकेजनली ठीक आहे. पण मला सारखं बाहेरचं खाऊन जगता येत नाही. मी सॅलेड, सूप, अंडी खाऊन याच्यावरच दिवस काढू शकते, मला त्याच्यात काही वाटत नाही. क्लिन इटिंग, व्यायाम करणं, फळं भरपूर खाते तीही मला आवडतात."

प्रियाने पुढे सांगितलं, "या सगळ्यासाठी मला कोणीही जबरदस्ती करत नाही किंवा काहीतरी एक लाइफ स्टाइल फॉलो करायची म्हणून मी हे करत नाही. गेल्या अनेक वर्षात हे सगळं माझ्या लाइफ स्टाइलचा भाग झाला आहे. रात्री वेळेत जेवते. 7.30 पर्यंत जेवते त्यानंतर काहीच नाही."

प्रिया बापटचा ग्लो, फिटनेस आणि नॅचरल ब्युटी पाहता तिची ही साधी पण शिस्तबद्ध लाइफस्टाइल अनेकांसाठी प्रेरणादायी आहे.  प्रिया सुरुवातीच्या काळात जशी दिसत होती तशीच ती आताही दिसते. 

घरचं जेवण, दररोज व्यायाम, भरपूर पाणी, वेळेत झोपणं, वेळेत जेवण हे सगळं व्यवस्थित फॉलो करून प्रिया वयाच्या 39 व्या वर्षीही तितकीच फिट आहे. प्रिया अनेकदा तिचे व्यायाम करतानाचे व्हिडीओ आणि फोटो सोशल मीडियावर शेअर करत अशते.