IND vs SA: 0,2,5,6,7...टीम इंडियाचे लोटांगण; फॉलोऑन न देता आफ्रिकेने केला मोठा गेम, पहिल्या डावात डोंगराएवढी आघाडी

दुसऱ्या कसोटीच्या तिसऱ्या दिवशी भारताने कालच्या 9 धावसंख्येवरून खेळ्यास सुरूवात केली. टीम इंडियाचे फलंदाज आफ्रिकेला सडेतोड उत्तर देतील असे वाटले होते. मात्र आघाडीच्या आणि मधळ्या फळीतील सर्वांनी निराशा केली. सलामीवीर केएल राहुल फक्त 22 धावांवर बाद झाला. त्यानंतर साई सुंदर्शन 15, ध्रुव झुरेल शून्यावर, कर्णधार ऋषभ पंत 7, रविंद्र जडेजा 6, नितीश कुमार रेड्डी 10, कुलदीप यादव 19, जसप्रीत बुमराह 5 आणि मोहम्मद सिराज 2 धावांवर बाद झाले.

दोन्ही संघातील कसोटी मालिकेतील पहिला कसोटी सामना आफ्रिकेने जिंकला होता. त्यामुळे मालिका बरोबरीत सोडवण्यासाठी टीम इंडियाला या कसोटीत कोणत्याही परिस्थितीत विजय मिळवावा लागले. जर भारताने ही कसोटी गमावली किंवा ड्रॉ जरी केली तरी भारताचा मालिकेत 1-0 असा पराभव होऊ शकतो. न्यूझीलंड विरुद्ध घरच्या मैदानावर झालेल्या कसोटी पराभवानंतर भारतासाठी हा मोठा धक्का ठरू शकतो.

आता दुसऱ्या डावात टीम इंडियाचे गोलंदाज आफ्रिकेला किती धावात रोखतात आणि चौथ्या डावात फलंदाज कशी कामगिरी करतात याकडे सर्वांचे लक्ष असेल.