IPL 2025 : आयपीएल इतिहासात पहिल्यांदाच... CSK ची लाज गेली, धोनीवर ओढावली मोठी नामुष्की

नवी दिल्ली : आयपीएल 2025 मध्ये चेन्नई सुपर किंग्सवर मोठी नामुष्की ओढावली आहे. आयपीएल इतिहासात चेन्नईने पहिल्यांदाच एका मोसमात 10 मॅच गमावल्या आहेत. राजस्थान रॉयल्सविरुद्धच्या सामन्यात 6 विकेटने पराभव झाल्यानंतर चेन्नईच्या नावावर या लाजिरवाण्या विक्रमाची नोंद झाली आहे. या पराभवासोबतच चेन्नई या मोसमात सगळ्यात शेवटच्या म्हणजेच 10व्या क्रमांकावर राहण्याची शक्यता आहे. चेन्नईने या मोसमात 13 पैकी फक्त 3 मॅच जिंकल्या आहेत. आता शेवटच्या सामन्यात चेन्नईने मोठ्या फरकाने विजय मिळवला तरच ते 10 व्या क्रमांकावर मोसम संपवणार नाहीत. चेन्नईचा शेवटचा सामना गुजरातविरुद्ध 25 मे रोजी होणार आहे.