मुंबई इंडियन्समध्ये 'डर का माहोल'! हार्दिकच टेन्शन वाढलं,पलटण जूना इतिहास पुसून काढणार का?

मुंबई पहिल्यांदा 2010 मध्ये सचिन तेंडुलकरच्या नेतृत्वाखाली अंतिम फेरीत पोहोचली होती, परंतु चेन्नई सुपर किंग्ज (CSK) कडून त्यांचा पराभव झाला होता. याशिवाय, मुंबई 2011, 2012, 2014 आणि 2023 मध्ये देखील प्लेऑफमध्ये पोहोचली होती, परंतु या हंगामात तिसऱ्या किंवा चौथ्या स्थानावर राहिल्यामुळे त्यांना एलिमिनेटर खेळावे लागले होते. या चारही वेळा, मुंबई कधीही अंतिम फेरीत पोहोचू शकली नाही. त्यामुळे आता हार्दिकच्या नेतृत्वात मुंबईला हा इतिहास बदलता येणार आहे का? किंवा हाच इतिहास कायम राहणार? हे पाहणे महत्वाचे असेल.

मुंबई इंडियन्सने आतापर्यंत चार वेळा एलिमिनेटर सामने खेळले आहेत, त्यापैकी दोन जिंकले आहेत आणि दोन गमावले आहेत.

2011: मुंबईने एलिमिनेटर जिंकला पण क्वालिफायर २ मध्ये पराभव पत्करला.

2012: मुंबई एलिमिनेटरमध्ये पराभूत झाली.

2014: मुंबई पुन्हा एलिमिनेटरमध्ये पराभूत झाली.

2023: मुंबईने एलिमिनेटर जिंकला पण क्वालिफायर २ मध्ये पराभव पत्करावा लागला.

या सर्व हंगामात तिसऱ्या किंवा चौथ्या स्थानावर राहूनही, मुंबई अंतिम फेरीत पोहोचू शकली नाही, जेतेपद तर दूरच राहिलं

या हंगामातील एलिमिनेटर सामना 30 मे 2025 रोजी मुल्लानपूर क्रिकेट स्टेडियमवर खेळला जाईल. मुंबई इंडियन्सचा प्रतिस्पर्धी कोण असेल हे लखनौ सुपर जायंट्स (LSG) आणि रॉयल चॅलेंजर्स बंगळुरू (RCB) यांच्यातील सामन्याच्या निकालावर अवलंबून आहे.जर बंगळुरू जिंकली तर गुजरात टायटन्स एलिमिनेटरमध्ये खेळेल; अन्यथा,बंगळुरूला मुंबईशी सामना करावा लागेल.