Rishabh Pant : निदर्यी जोफ्रा आर्चरकडून फ्रँचर अंगठ्यावर बॉलिंगचा मारा, पंतने पुढच्या बॉलवर दाखवली 'जागा', पाहा Video

Jofra Archer Targets Rishabh Pant Fractured Toes : इंग्लंडविरुद्ध मँचेस्टर येथे सुरू असलेल्या चौथ्या कसोटी मॅचमध्ये (IND vs ENG 4th Test) टीम इंडियाचा स्टार फलंदाज ऋषभ पंत याने फ्रॅक्चर झालेल्या पायासह मैदानात आला अन् सर्वांची मनं जिंकली. मात्र, इंग्लंडने निर्दयीपणा दाखवल्याचं समोर आलं आहे. पहिल्या दिवशी फलंदाजी करत असताना ऋषभ पंतच्या पायाला फ्रॅक्चर झालं होतं. ख्रिस वोक्सच्या एका बॉलवर रिव्हर्स स्वीप खेळण्याचा प्रयत्न करताना बॉल त्याच्या उजव्या पायाच्या बोटाला लागला. या दुखापतीमुळे त्याला प्रचंड वेदना होत होत्या आणि त्याला तात्काळ मैदानाबाहेर नेण्यात आलं. त्यानंतर त्याच्या पायाला फ्रॅक्चर (Rishabh Pant Playing With Fractured) झाल्याचं पहायला मिळालं आहे.