VIDEO : तीन दिवसांनी पृथ्वीचं डोकं ठिकाणावर,'माफ कर मला, मी तुझ्या मोठ्या भावासारखा',मुशीरची मागितली माफी

दिलीप वेंगसरकर शॉ-मुशीर घटनेची चौकशी करणार यापूर्वी, मुंबई आणि महाराष्ट्र क्रिकेट असोसिएशनने या घटनेची चौकशी सुरू केली आहे. माजी भारतीय कर्णधार दिलीप वेंगसरकर यांची चौकशीसाठी नियुक्ती केली. दरम्यान या घटनेची चौकशी गूरूवारी पार पडली आहे.या बैठकीत मुंबईचा कर्णधार आणि खेळाडूंकडून घटनेबाबत विचारण्यात आले आहे. यानंतर एक अहवाल तयार करून निर्णय घेतला जाणार असल्याची माहिती आहे.

मुंबई आणि महाराष्ट्र संघात खेळवल्या गेलेल्या सराव सामन्यात ही घटना घडली.या घटनेत पृथ्वी शॉने शानदार फलंदाजी केली होती.मुंबई विरूद्ध खेळताना पृथ्वी शॉने 181 धावांची शानदार खेळी केली होती.या दरम्यान मुशीर खानने त्याला बाद केले होते. मुशीर खानने त्याला बाद करताचा हात जोडून 'थँक यू' अशा शब्दात निरोप दिला होता. हा निरोप कदाचित पृथ्वी शॉला आवडला नाही आणि त्याने मुशीर खानची कॉलर पकडण्याचा आणि त्याला बॅटने मारण्याचा प्रयत्न केला होता. या संदर्भातला व्हिडिओ व्हायरल झाल्यानंतर मोठा राडा झाला होता.