IND vs ENG : इंग्लंड दौऱ्याआधी भारतीय खेळाडूचा भीम पराक्रम, टेस्ट क्रिकेटेमध्ये झाला दुर्मिळ विक्रम

गेल्या वर्षी टेस्ट फॉरमॅटमध्ये चांगली कामगिरी करणाऱ्या रवींद्र जडेजाने 29.27 च्या सरासरीने 527 धावा केल्या आणि 24.29 च्या सरासरीने 48 विकेट्स घेतल्या. अष्टपैलू म्हणून सर्वाधिक काळ अव्वल स्थानावर राहण्याच्या बाबतीत जडेजाने जॅक कॅसिल, कपिल देव आणि इम्रान खान सारख्या दिग्गजांनाही मागे टाकले. जडेजापूर्वी वेस्ट इंडिजचा माजी कर्णधार जेसन होल्डर कसोटी क्रिकेटमध्ये नंबर वन अष्टपैलू खेळाडू होता,परंतु मार्च 2022 मध्ये जडेजाने त्याला मागे टाकले.

आयसीसीच्या ताज्या कसोटी क्रमवारीत,जडेजा ४०० गुणांसह अष्टपैलू खेळाडूंच्या क्रमवारीत पहिल्या क्रमांकावर आहे. त्याच्या शानदार कामगिरीमुळे, जडेजाने अशी कामगिरी केली आहे जी फार कमी खेळाडू करू शकतात. वयाच्या ३६ व्या वर्षीही, जडेजाची कामगिरी कसोटी क्रिकेटमध्ये सातत्यपूर्ण राहिली आहे आणि तो भारतासाठी फलंदाजी आणि गोलंदाजीत चांगली कामगिरी करत आहे आणि तो क्षेत्ररक्षणातही उत्कृष्ट आहे. जडेजाच्या उत्कृष्ट तंदुरुस्तीमुळे तो सातत्याने चांगली कामगिरी करू शकला आहे.