हॅपी रिटायरमेंट जड्डू भाई… दुसऱ्या टेस्टपूर्वी Ravindra Jadeja ने घेतली निवृत्ती? Rishabh Pant ने दिल्या शुभेच्छा

1 Year T-20 World Cup Winning Celebration : भारतीय खेळाडू सध्या इंग्लंडमध्ये आहेत आणि इंग्लंडमधेच पाच सामन्यांची कसोटी मालिका खेळली जात आहे. इंग्लंडमध्ये, टीम इंडियाच्या खेळाडूंनी टी-20 विश्वविजेता बनल्याच्या एक वर्ष पूर्ण झाल्याबद्दल केक कापून हा खास दिवस साजरा केला. गेल्या वर्षी 29 जून रोजी रोहित शर्माच्या नेतृत्वाखाली रोमांचक अंतिम सामन्यात दक्षिण आफ्रिकेला हरवून भारताने 17 वर्षांनंतर विजेतेपद पटकावले. या खास प्रसंगी, संघाचा स्टार ऋषभ पंतने अष्टपैलू रवींद्र जडेजाची खिल्ली उडवली आणि टी-20 मधून निवृत्तीचे एक वर्ष पूर्ण झाल्याबद्दल अभिनंदन केले. त्याने त्याला केक खायला दिला आणि जड्डू भाईला निवृत्तीच्या शुभेच्छा दिल्या.