Trending:

IND vs PAK : आशिया कपच्या पहिला विजयानंतर पाकिस्तानच्या कॅप्टनचं भारताला ओपन चॅलेंज, Salman Ali Agha म्हणाला 'कोणत्याही टीमला आम्ही...'

Published by:Saurabh Talekar

Last Updated:September 13, 2025 7:47 AM IST

Salman Ali Agha Challenge team India : पाकिस्तानविरुद्ध ओमानने काल पहिला आशिया कपमधील सामना खेळला. लिंबूटिंबू टीमला हरवल्यानंतर पाकिस्तानच्या नाकपुड्या फुगल्या आहेत

Salman Ali Agha Statement : आशिया कपमध्ये (Asia Cup 2025) ओमानला हरवल्यानंतर (PAK vs OMAN) पाकिस्तानचा कर्णधार सलमान आगा याने 14 सप्टेंबरच्या मॅचपूर्वी टीम इंडियाला (IND vs PAK) आव्हान दिलं आहे. ओमानविरुद्धच्या मॅचमध्ये पाकिस्तानने बॅटिंगमध्ये काही त्रुटी ठेवल्याचे मान्य करत, आगा म्हणाला की, त्यांची टीम कोणत्याही संघाला हरवण्यासाठी सक्षम आहे. त्यामुळे आता सलमानने (Salman Ali Agha) टीम इंडियाला वॉर्निंग दिल्याचं मानलं जात आहे.

आमच्याकडे तीन वेगळे स्पिनर...

सामना जिंकल्यानंतर आगा म्हणाला, "बॅटिंगमध्ये आम्हाला अजूनही सुधारणा करायची आहे. पण आमची बॉलिंग खूपच चांगली झाली, मी बॉलिंग युनिटवर खूप आनंदी आहे. आमच्याकडे तीन वेगळे स्पिनर आहेत, आणि त्यांच्यासोबत आयुबसहित आमच्याकडे 4-5 चांगले पर्याय आहेत, जे दुबई आणि अबू धाबीमध्ये मॅच खेळताना आवश्यक आहेत. त्यामुळे आम्ही आगामी सामन्यात चांगली कामगिरी करू, असं सलमान आगा म्हणाला."

कोणत्याही टीमला हरवण्यासाठी सक्षम

"ज्या प्रकारे आम्हाला सुरुवाती मिळाली होती, त्यावरून आम्ही 180 धावा करायला पाहिजे होत्या, पण क्रिकेटमध्ये असं होतच असतंय. आम्ही सध्या खूप चांगला क्रिकेट खेळत आहोत, आम्ही ट्राय-सिरीज जिंकली आणि इथंही सहज विजय मिळवला. जर आम्ही आमच्या योजनांची चांगल्या प्रकारे अंमलबजावणी केली, तर आम्ही कोणत्याही टीमला हरवण्यासाठी पुरेसे सक्षम आहोत.", असं म्हणत सलमान आगाने टीम इंडियाला चॅलेंज दिलं आहे.

पाकिस्तानच्या नाकपुड्या फुगल्या

दरम्यान, ओमान एक असा देश होता, ज्याने आशिया कपमध्ये कधीही पाऊल ठेवलं नाही. पाकिस्तानविरुद्ध ओमानने काल पहिला आशिया कपमधील सामना खेळला. लिंबूटिंबू टीमला हरवल्यानंतर पाकिस्तानच्या नाकपुड्या फुगल्या आहेत. तर सलमान ज्या ट्राय-सिरिजचा उल्लेख करतोय. ती ट्राय सिरीज अफगाणिस्तान, युएई आणि पाकिस्तान यांच्यात झाली होती, यावरून पाकिस्तानची टीम किती क्षमतेने खेळतीये, याचा अंदाज आला असेल.

Location :

Mumbai,Maharashtra

First Published :

September 13, 2025 7:47 AM IST

IND vs PAK : आशिया कपच्या पहिला विजयानंतर पाकिस्तानच्या कॅप्टनचं भारताला ओपन चॅलेंज, Salman Ali Agha म्हणाला 'कोणत्याही टीमला आम्ही...'