क्रिकेट वर्तुळाला हादरवून टाकणारी घटना,स्टार क्रिकेटर्सना बंदूकीच्या धाकेवर लुटलं, नेमकं काय घडलं?

कॅरिबियन प्रीमियर लीगमध्ये बार्बाडोसमध्ये ही धक्कादायक घटना घडली आहे.9 सप्टेंबरला पहाटे सेंट किट्स अँड नेव्हिस पॅट्रियट्सचे दोन खेळाडू आणि सीपीएलच्या एका अधिकाऱ्याला बंदुकीच्या धाकावर लुटल्याची घटना घडली आहे. हे खेळाडू एका खाजगी कार्यक्रमातून परतत असताना ही घटना घडल्याची माहिती आहे.

मीडिया रिपोर्टनुसार,दरोडेखोरांनी दागिने आणि मौल्यवान वस्तूंची चोरी करण्याचा प्रयत्न केला होता.या दरम्यान त्यांनी खेळाडूंकडून मौल्यवान वस्तु चोरून घेण्यासाठी त्यांच्यावर बंदूक रोखली होती. सुदैवाने या घटनेत कोणत्याही खेळाडूला दुखापत झालेली नाही आहे.या घटनेनंतर अधिकारी आणि खेळाडूंची नावे उघड करण्यात आलेली नाहीयेत. पण या घटनेने परिसरात खळबळ माजी आहे.