विराटने संधी दिली, पण 2 टेस्ट खेळूनच रिटायरमेंट, टीम इंडियाचा खेळाडू करतोय बँकेत नोकरी!

मुंबई : विराट कोहलीच्या नेतृत्वामध्ये टीम इंडियाने टेस्ट क्रिकेटमध्ये नवी उंची गाठली. क्रिकेटच्या सगळ्यात मोठ्या फॉरमॅटमध्ये खेळत असताना विराटने अनेक खेळाडूंना देशाचं प्रतिनिधीत्व करण्याची संधीही दिली, यातले काही खेळाडू यशस्वी झाले, तर काहींच्या पदरी निराशा आली. एमएस धोनीच्या झारखंडमधूनही अशाच एका क्रिकेटपटूला विराटने संधी दिली, पण त्याला या संधीचं सोनं करता आलं नाही. आता हाच क्रिकेटपटू बँकेमध्ये नोकरी करत आहे.