Dahanu News : आधी ओळख...नंतर अल्पवयीने मुलीचे मित्राशी वाद; घरी परतल्यावर घडली काळीज हादरवणारी घटना

2 जानेवारी रोजी या प्रकरणी कासा पोलीस ठाण्यात तक्रार दाखल करण्यात आली होती. तक्रारीच्या आधारे पोलिसांनी गुन्हा दाखल करून आरोपी नितेश खरपडे याला अटक केली. त्यानंतर आरोपीला न्यायालयात हजर करण्यात आले असता न्यायालयाने दोन दिवसांची पोलीस कोठडी मंजूर केली.

मिळालेल्या माहितीनुसार,मृत मुलगी आणि आरोपी नितेश खरपडे यांची गेल्या काही काळापासून ओळख होती. पोलिस तपासानुसार दोघांमध्ये काही वैयक्तिक कारणांवरून भांडण झाले होते. या वादामुळे मुलगी मानसिक तणावात होती असा संशय पोलिसांनी व्यक्त केला आहे. वादानंतर काही दिवसांतच मुलीने टोकाचे पाऊल उचलल्याचे तपासात समोर आले आहे