Mumbai Local: रुळावर सगळीकडे धूरच धूर, मध्य रेल्वेवर मोठी घटना, कळवा-ठाणे स्थानकातला पहिला VIDEO

या आगीच्या घटनेमुळे कळवा येथून ठाण्याकडे जाणाऱ्या रेल्वे गाड्या आणि ठाण्याहून कल्याण डोंबिवलीच्या दिशेने जाणाऱ्या रेल्वे पंधरा ते वीस मिनिटे उशिराने धावत आहे. सुदैवाने आग मोठी नव्हती, त्यामुळे यात कोणतीही जीवितहानी झाल्याची माहिती नाही. मात्र, ही आग कुणी आणि का लावली, याचा शोध घेतला जात आहे. घटनास्थळी अग्निशमन दलाचे जवान पोहोचले आहे. घटनास्थळी रेल्वे पोलीसही दाखल झाले.

रेल्वे रुळाच्या खाली असलेल्या पुलामध्ये साचलेल्या कचऱ्याला आग लावण्यात आली होती. कचरा अर्धवट जळाल्यामुळे सगळीकडे धूर पसरला होता. धूर इतका वाढला होता की समोर दिसेना झालं होतं. त्यामुळे काही लोकल या थांबवण्यात आल्या होत्या. त्यामुळे मध्य रेल्वेवरील वाहतूक ही १५ ते २० मिनिटं उशिराने सुरू आहे.