मेथी पराठा कडू होतोय? 'या' खास टिप्स वापरून बनवा मऊ आणि खमंग पराठे

मुंबई : सकाळची सुरुवात जर चविष्ट, पौष्टिक आणि पोटभर नाश्त्याने झाली तर संपूर्ण दिवस फ्रेश आणि एनर्जेटिक जातो. पण रोज रोज काय नवीन बनवायचं जे लहान मुलांपासून मोठ्यांपर्यंत सगळ्यांना आवडेल आणि जास्त वेळही लागणार नाही, हा प्रश्न प्रत्येक घरात असतोच. अशावेळी पारंपरिक चव आणि पौष्टिकतेचा परफेक्ट मेळ असलेला मेथी पराठा हा एक उत्तम पर्याय ठरतो. मेथीमुळे शरीराला फायबर, आयर्न मिळतं. विशेष म्हणजे हा पराठा झटपट तयार होतो, डब्यासाठीही उत्तम आहे.