सत्ता हाती घेताच सुप्रीम लीडर मोज्तबा खामेनींचा धडकी भरवणारा संदेश,रक्ताचा बदला घेणारच; 'होर्मुझची सामुद्रधुनी बंद करा'

खामेनेई यांनी अमेरिका आणि त्याच्या मित्रदेशांना इशारा देत कठोर भूमिका मांडली. शहीदांच्या रक्ताचा बदला घेण्याचा आम्ही त्याग करणार नाही, असे त्यांनी स्पष्ट शब्दांत म्हटले. तसेच त्यांनी या सामुद्रधुनीचे धोरणात्मक महत्त्व अधोरेखित करत म्हटले की, होर्मुझची सामुद्रधुनी बंद करण्याचे साधन जपून ठेवले पाहिजे आणि गरज पडल्यास इतर मोर्चेही उघडले जाऊ शकतात.

खामेनेई यांनी आणखी एका वक्तव्यात सांगितले की, इराणला शेजारी देशांशी शांततापूर्ण संबंध ठेवायचे आहेत. मात्र त्यांनी इशारा दिला की या प्रदेशातील अमेरिकन सैन्याविरुद्ध कारवाई सुरूच राहील. आम्हाला शेजाऱ्यांशी मैत्री हवी आहे, पण आम्ही अमेरिकन तळांवर लक्ष्य साधत राहू आणि हे अपरिहार्यपणे सुरूच राहील, असे त्यांनी म्हटले.