बागेत जमीन खोदली, रहस्यमय पेटी सापडली, आनंदाच्या भरात उघडली अन् आतील साहित्य पाहाताच त्याचं डोकंच चक्रावलं

रेडिटवर या घटनेचे वर्णन करताना, कॅलिफोर्नियाच्या एका रहिवाशाने लिहिले की, त्याच्यासोबत एक विचित्र घटना घडली. तो मेटल डिटेक्टर घेऊन आपल्या मित्राच्या बागेत फिरत होता. दरम्यान, त्याला बीपचा आवाज ऐकू आला, त्यामुळे त्याने ती जागा खोदण्यास सुरुवात केली. लवकरच त्याला एक आवाज ऐकू आला आणि त्याला वाटले की ते शवपेटी आहे. मात्र, त्याच्या लहान आकारामुळे, त्यांना समजले की तो एक बॉक्स आहे. बॉक्स धूळ आणि मातीने माखलेला होता आणि दोघा मित्रांना वाटले की, तो मागील मालकाचा आहे, ज्यात त्याच्या काही वस्तू ठेवल्या असतील.

त्यात काय असेल याचा ते बराच वेळ विचार करत राहिले आणि अखेर त्यांनी तो उघडला. बॉक्समध्ये कोणतीही मौल्यवान वस्तू नसून फक्त धूळ आणि काही प्लास्टिकची फुले असल्याचे पाहून दोघेही आश्चर्यचकित झाले. बॉक्सवर SS असे मार्किंगही होते. जेव्हा त्यांनी तपास केला, तेव्हा त्यांना समजले की, हे मार्किंग हिटलरच्या काळात असलेल्या Schutzstaffel या संस्थेचे होते. आता हे स्पष्ट झाले की, बॉक्स दुसऱ्या महायुद्धाच्या काळातील होता, पण तो धुळीने का माखलेला होता हे समजू शकले नाही. युजर्सनी यावर अनेक प्रतिक्रिया दिल्या, पण ज्यांना तो सापडला ते नक्कीच दुःखी झाले की, बॉक्समध्ये कोणतीही मौल्यवान वस्तू सापडली नाही.