Neil Armstrong death anniversary :चंद्रावर पहिलं पाऊल ठेवणाऱ्या अंतराळवीरांनी जे पाहिलं ते ऐकून सगळेच हादरले!

मुंबई, 25 ऑगस्ट : भारताच्या चांद्रयान-3 या मोहिमेच्या यशामुळे सध्या सर्वत्र चंद्र आणि तेथील संभाव्य संसाधनांची चर्चा आहे. वास्तविक पाहता माणसाची चंद्रावर जाण्याची किंवा तिथे यान पाठवण्याची ही काही पहिलीच वेळ नाही. या पूर्वी, 20 जुलै 1969 रोजी नासाच्या अपोलो 11 या अंतराळयानातून मानवानं चंद्रावर पहिलं पाऊल ठेवलं होतं. प्रसिद्ध अंतराळवीर नील आर्मस्ट्राँग आणि बझ ऑल्ड्रिन यांनी 1969 मध्ये अपोलोच्या माध्यमातून चंद्रावर पाऊल ठेवलं होतं. त्यांनी दावा केला होता की, या मोहिमेदरम्यान एका यूएफओनं (Unidentified Flying Object) म्हणजेच उडत्या तबकडीनं त्यांचा पाठलाग केला होता. विशेष म्हणजे, फक्त त्यांनीच नाही तर नंतरच्या काळात अंतराळात जाणाऱ्या अनेक अंतराळवीरांनी हीच तक्रार केलेली आहे.