क्रेझ स्पर्धा परीक्षेची! यश आलं नाही, म्हणून मुलाचे नाव ठेवले 'UPSC', व्हिडीओ पहाल तर पोट धरून हसाल

भारतात UPSC (युनियन पब्लिक सर्व्हिस कमिशन) ही एक खूप मोठी आणि महत्त्वाची परीक्षा मानली जाते. या परीक्षेतून देशातील प्रशासकीय सेवांमधील सर्वोच्च पदांसाठी निवड केली जाते. देशभरातून लाखो लोक यासाठी अर्ज करतात आणि पहिल्या टप्प्यात फक्त काही हजारांची निवड होते. तर, अंतिम टप्प्यासाठी, म्हणजेच मुलाखतीसाठी, उपलब्ध पदांच्या संख्येनुसार एक ते दोन हजार उमेदवारांची निवड केली जाते. ही स्पर्धा परीक्षा उत्तर भारतातील उत्तर प्रदेश आणि बिहारमध्ये खूप लोकप्रिय आहे. येथे दरवर्षी लाखो लोक या परीक्षेची तयारी करतात. याच पार्श्वभूमीवर एका व्हायरल व्हिडिओमध्ये एका जोडप्याने आपल्या मुलाचे नाव UPSC ठेवण्यामागचे एक मजेदार कारण सांगितले आहे.