पृथ्वीच्या आत धकधक! दर 26 सेकंदांनी होतेय हृदयासारखी धडधड, आवाजाचं रहस्य काय?

नवी दिल्ली : माणसाला जिवंत राहण्यासाठी, त्याचे हृदय सतत धडधडत राहणं महत्त्वाचं आहे. माणसाचं हृदय एका मिनिटात 72 वेळा धडधडतं. तुम्ही छातीवर डाव्या बाजूला जिथं हृदय आहे, तिथं हात ठेवलात आणि नीट ऐकलात तर तुम्हाला हृदयाची धडधड जाणवेल. अशीच माणसाच्या हृदयासारखी धडधड ऐकू येते आहे ती पृथ्वीच्या आतून. दर 26 सेकंदाने पृथ्वीच्या आतून हृदय धडधडल्यासारखा आवाज येतो आहे. हा रहस्यमयी आवाज कसला असा प्रश्न निर्माण झाला आहे.