ऐकाल तर ऐकतंच राहाल! आजीआजोबांनी गायलं मुकेश आणि लता मंगेशकर यांचं हिट गाणं, होतंय तुफान VIRAL

व्हिडिओमध्ये एक वृद्ध जोडपं दिसत आहे. त्यांच्यासोबत एक आणखी व्यक्ती आहे. जी त्यांना त्यांच्या गाण्यात मधेमधे साथ देताना दिसते. हार्मोनियमने सुरुवात होते. मध्येच महिला डफली वाजवते आणि सुरू होतात गाण्याचे बोल... सावन का महिना.... लता मंगेशकर आणि मुकेश यांचं हिट गाणं. ज्याला या आजीआजोबांनी नवीन म्युझिक दिलं आहे आणि त्यांच्या वेगळ्या सुरात गायलं आहे.

हार्मोनियम आणि डफलीच्या म्युझिकवर दोघंही हे गाणं गातात. त्यांनी गाण्याला आपल्या पद्धतीने नवीन म्युझिक दिलं आहे. त्यांचा आवाजही ऐकत राहावा इतका गोड आहे.

हा व्हिडिओ @theprayagtiwari या एक्स अकाउंटवरून शेअर करण्यात आला आहे. वृद्ध दाम्पत्याचे संगीत आणि सूर दोन्ही खूप सुंदर आहेत आणि लोकांची मनं जिंकत आहेत. लाखो लोकांनी तो पाहिला आहे, हजारोंनी लाइक केला आहे. व्हिडीओवर कमेंट करताना वृद्ध दाम्पत्याला प्रतिभेचा खजिना म्हटलं आहे. खूप सुंदर, आपला दिवसच कमालीचा झाला, अशा प्रतिक्रिया या व्हिडीओवर आल्या आहेत. एका युझरने प्रतिभेची कमतरता नाही, पण संधी मिळत नाही, अशी खंत व्यक्त केली आहे. तर एका युझरने यांना संधी मिळाली पाहिजे असं म्हटलं आहे.

तुम्हाला हा व्हिडीओ, हे गाणं, या वृद्ध दाम्पत्याचा आवाज कसा वाटला? आम्हाला आमच्या सोशल मीडियाच्या कमेंट बॉक्समध्ये नक्की सांगा.