VIDEO: 11 वर्षीय पोराच्या हातात विमान देऊन बाप बसला बिअर पीत; शेवटी नको तेच घडलं..

42 वर्षीय गारोन माईया आणि त्यांचा मुलगा फ्रान्सिस्को माईया अशी मृतांची नावे आहेत. रिपोर्ट्सनुसार, दोन्ही मृतदेहांवर अंतिम संस्कार केल्यानंतर पायलटची पत्नी अॅना प्रिडोनिक हिनेही आत्महत्या केली. विमान अपघाताची घटना 29 जुलै रोजी उघडकीस आली. ट्विन-इंजिन असलेले खासगी विमान ब्राझील देशातील रॉन्डोनिया आणि माटो ग्रोसो राज्यांमधील जंगली भागात कोसळले. त्यानंतर दोन दिवसांनी म्हणजे 1 ऑगस्ट रोजी पत्नीने आत्महत्या केली.

हे विमान ट्विन-इंजिन असलेले बीचक्राफ्ट बॅरन-58 होते, ज्याची किंमत $1.2 दशलक्ष म्हणजेच सुमारे 9.9 कोटी रुपये होती. गारोनने बनवलेल्या व्हिडिओमध्ये तो बिअर पिताना दिसत आहे. तो आपल्या मुलाला विमानाचे उड्डाण आणि नियंत्रण याबाबत सूचना देताना दिसत आहेत. या दरम्यान त्याचा आवाज ही रेकॉर्ड झाला आहे, गोरान म्हणतो की, 'थांब, सर्वकाही तयार आहे ना? समोर काही नाही, ठीक आहे. कमऑन, 600 घोडे तू 600 किकोंना ओढू शकतो, चल' तो पुढे म्हणाला, 'गुड बेबी. लीव्हरवर हात, लीव्हरवर हात. तिथे हात लाव आणि वेगावर लक्ष ठेव.' आणि थोड्याच वेळात त्याने बिअर उघडली आणि विचारले, 'प्रवाशी एक घेऊ शकतो, होय ना किको?'

डेली मेलच्या वृत्तानुसार, नोव्हा कॉन्क्विस्टा येथील रॉन्डोनिया शहरातील एका शेतातून गॅरॉनने या विमानाचे उड्डाण केले. विमानात इंधन भरण्यासाठी विल्हेना विमानतळावर ते थांबले. त्याच्या मुलाला कॅम्पो ग्रांडे, माटो ग्रोसो डो सुल येथे परत पाठवण्यासाठी तो निघाला होता, तिथे तो त्याच्या आईसोबत राहायचा आणि शाळेत जात असे.