बापरे! हे काय? सकाळी उठताच पँटवर दिसला हिरवा डाग, भीतीने सोशल मीडियावर पोस्ट केला फोटो, समजलं ते शॉकिंग

या फोटोत त्याने आपला पाय टाकला आहे. त्याने पँट घातली आहे आणि त्या पँटवर हिरव्या रंगाचा डाग दिसत आहे. गोलाकार आकारात हा डाग आहे. रात्री झोपताना त्याच्या पँटवर डाग नव्हता. पण सकाळी उठल्यानंतर अचानक त्याला त्याच्या पँटवर हा हिरवा डाग दिसला. त्यामुळे तो घाबरला. हे नेमकं काय ते त्यालाही समजेना म्हणून त्याने सोशल मीडियावर फोटो पोस्ट करत मदत मागितली आहे.

हजारो युझर्सनी या मुलाला त्याच्या प्रश्नाचं उत्तर दिलं आहे. हा हिरवा डाग कसला हे सांगितलं आहे. काहींनी तर अगदी भीतीदायक कारण दिलं आहे. एका युझरने विचारलं की तुमच्या बेडवर चार्जिंग केबल आहे का?  एका युझरने म्हटलं की त्याला त्याच्या उशीवरही असाच हिरवा डाग दिसला. त्यानंतर माझा आयफोन केबल कापला गेला होता आणि त्यातून हिरवा पदार्थ गळल्याचं सांगितलं. एकाने विचारलं की त्याने कोणत्या हिरव्या रंगाचा खाद्यपदार्थ खाल्ला होता का? एकाने विचारलं, तुझ्याकडे हिरव्या शाईचा पेन आहे का? तर एकाने चक्क कुणी त्याला कार्बन मोनोक्साइडचं विष दिलं का असंही विचारलं. एकाने तर याचा संबंध थेट एलियन्सशी जोडला आहे.