मिसेस किलर! कुणी पतीचे केले 15 तुकडे तर कुणी लग्नाच्या 14 दिवसांत नवऱ्याला संपवलं, सोनमसारख्याच 4 क्रूर पत्नी
- Published by:Priya Lad
Last Updated:
Wife murder husband : नुकतंच लग्न झालेल्या सोनम रघुवंशीने पती राजा रघुवंशीची हत्या केल्याचं समोर आल्यानंतर एकच खळबळ डाली आहे. याच प्रकरणासारख्या धक्कादायक घटना आधीही समोर आल्या आहेत.
नवी दिल्ली : मेघालयातील शिलाँग येथे हनीमूनसाठी गेलेल्या इंदूर येथील राजा रघुवंशीच्या हत्येचा उलगडा झाला आहे. राजाची पत्नी सोनम रघुवंशी हिनेच त्याच्या हत्येचा कट रचल्याचं समोर आलं. सोमवारी सकाळी उत्तर प्रदेशमध्ये सोनमला अटक करण्यात आली. पत्नीने लग्नाच्या काही दिवसांत स्वतःच आपल्या डोक्याचं कुंकू पुसल्याने एकच खळबळ उडाली आहे. दरम्यान स्वतःच्याच पतीची हत्या करणारी सोनम एकमेव पत्नी नाही तर अशा आणखी काही क्रूर पत्नी आहेत, ज्यांनी आपल्या पतीची अशी क्रूरपणे हत्या केली आहे.
शिलाँगमधील सोनम रघुवंशी आणि राजा रघुवंशी हत्या प्रकरणासारख्या धक्कादायक घटना आधीही समोर आल्या आहेत. कुणी आपल्या पतीचे 15 तुकडे केले, कुणी प्रियकराच्या मदतीने पतीला संपवलं, कुणी लग्नाच्या 14 दिवसांतच पतीची हत्या केली. तर कुणी आपल्या पतीसह अख्ख्या सासरच्यांना संपवलं.
पतीचे 15 तुकडे करून ड्रममध्ये ठेवले
या वर्षी मार्चमध्ये खळबळ उडवणारी ही घटना. उत्तर प्रदेशातील मेरठमधील एका महिलेने तिच्या प्रियकरासह तिच्या पतीची निर्घृण हत्या केली. एवढंच नाही तर पुरावे लपवण्यासाठी महिलेने तिच्या पतीचा मृतदेह 15 तुकडे करून ड्रममध्ये ठेवून त्यावर सिमेंट लावलं. घटनेनंतर महिला तिच्या पाच वर्षांच्या मुलीला तिच्या माहेरी सोडून 4 मार्च रोजी संध्याकाळी तिच्या प्रियकरासोबत हिमाचलला शिमलाला गेली. तिथून परतल्यानंतर महिलेने स्वतःच हा खून उघड केला. वडिलांना सगळं काही सांगितलं. पोलिसांनी या प्रकरणात महिलेला आणि तिच्या प्रियकराला अटक केली.
advertisement
सौरभ कुमार असं मृत पतीचं नाव तर मुस्कान रस्तोगी असं आरोपी पत्नीचं नाव. सौरभ लंडनहून मेरठला परतला होता. तिला साथ दिली तो तिचा प्रियकर साहिल शुक्लाने.
लग्नाच्या 14 दिवसांनंतर पतीची प्रियकराच्या मदतीने हत्या
या वर्षी मार्चमध्येमध्येच औरैया जिल्ह्यात घडलेली ही घटना. हायड्रा ड्रायव्हरची नवविवाहित पत्नी प्रगती आणि तिचा प्रियकर अनुरागने मानवतेला लाजवेल असं कृत्य केलं. लग्नाच्या 15 दिवसांनंतर तिने तिचा पती दिलीपची हत्या केली. तिचा प्रियकर बेरोजगार होता, पण तिला तिच्या प्रियकरासोबत राहायचं होतं. तिचं कुटुंबीय तयार नव्हते. अशा परिस्थितीत, तिला तिच्या प्रियकरासोबत राहण्यात कोणतीही अडचण येऊ इच्छित नव्हती. यासाठी प्रगतीने एका प्रभावशाली मुलाशी, हायड्रा ड्रायव्हर दिलीपशी लग्न केलं.
advertisement
तिचा हेतू तिच्या पतीला मारून त्याची मालमत्ता घेऊन तिच्या प्रियकरासोबत आनंदाने राहण्याचा होता. ती विचार करत होती की लग्नाच्या काही दिवसांनंतर, जेव्हा ती विधवा होईल, तेव्हा ती पुन्हा तिच्या प्रियकरासोबत लग्न करेल. विधवा असल्याने, तिच्या कुटुंबातील सदस्यही यात सहकार्य करतील, परंतु पोलिसांनी त्यांना सुपारीच्या पैशांच्या व्यवहाराबाबत पकडले.
advertisement
पत्नीने प्रियकराच्या मदतीने पतीचा गळा दाबला आणि साप ठेवला बाजूला
या वर्षी एप्रिलमध्येआणखी एक प्रकार मेरठच्या बहसुमा येथे उघडकीस आला. इथं पत्नीने तिच्या प्रियकरासह तिच्या पतीची हत्याच केली नाही तर त्यांना पकडता येऊ नये म्हणून साप चावल्याची कहाणीही रचली. तपासानंतर पोलिसांनी बुधवारी संपूर्ण प्रकरण उघड केलं.
advertisement
अकबरपूर सादात गावातील 25 वर्षांचा अमित कश्यप उर्फ मिक्की हा सापाच्या चाव्यामुळे मरण पावला नाही. अमितची हत्या त्याची पत्नी रविता आणि तिचा प्रियकर अमरदीप यांनी केली. दोन्ही आरोपींनी प्रथम त्याचा गळा दाबून खून केला आणि नंतर ही घटना अपघात म्हणून दाखवण्यासाठी त्याच्या बेडवर एक विषारी साप सोडला. पोस्टमॉर्टम रिपोर्टमध्ये गुदमरल्यामुळे मृत्यू झाल्याची पुष्टी झाल्यानंतर, पोलिसांनी दोन्ही आरोपींना ताब्यात घेऊन धक्कादायक खुलासा केला.
advertisement
खोटेपणा लपवण्यासाठी पतीसह सहा जणांची हत्या
केरळच्या कोझिकोड भागात कुडाथाई नावाचं एक ठिकाण आहे. येथे राहणारे थॉमस कुटुंब हे त्या भागातील अतिशय समृद्ध कुटुंबांपैकी एक होतं. 2002 मध्ये या कुटुंबातील रॉय थॉमसचं लग्न जॉली जोसेफ नावाच्या महिलेशी झालं होतं. जॉली घरकामात चांगली होती, पण लग्नासाठी तिच्या शिक्षणाबद्दल सांगितलेलं खोटं, बनावट पदव्या आणि नोकरीसाठी खोट्या जाळ्याने जॉलीला सर्व बाजूंनी वेढलं.
advertisement
हा खोटेपणा लपवण्यासाठी तिने एकामागून एक प्रश्न विचारणाऱ्या कुटुंबातील सदस्यांना मारायला सुरुवात केली. इथून सुरू झालेला मृत्यूचा खेळ पुढील 14 वर्षे चालू राहिला. या काळात कुटुंबातील सहा जणांना आणि त्याच्याशी संबंधित लोकांना मारण्यात आलं. हत्येसाठी चाकू किंवा बंदूक वापरली गेली नाही, तर सर्वात धोकादायक विष म्हणून काम करणारं सायनाइड वापरलं गेलं. सर्वांना विश्वासात घेऊन तिने या मृत्यूंना नैसर्गिक म्हणत त्यांचे अंतिम संस्कार केले. पण नंतर तिचं कृत्य समोर आलंच.
जॉलीवर सासू अन्नम्मा (2002), सासरे टॉम थॉमस (2008), पती रॉय थॉमस (2011), सासूचा भाऊ मॅथ्यू मंजडियाल (2014), पतीचा चुलत भाऊ साजू थॉमसची 2 वर्षांची मुलगी (2015) आणि साजूची पत्नी सिली सरखारियास (2016) यांच्या हत्येचा आरोप आहे.
Location :
Delhi
First Published :
June 09, 2025 3:37 PM IST
मराठी बातम्या/Viral/
मिसेस किलर! कुणी पतीचे केले 15 तुकडे तर कुणी लग्नाच्या 14 दिवसांत नवऱ्याला संपवलं, सोनमसारख्याच 4 क्रूर पत्नी
