म्हणे, मला जग वाचवायचं आहे, मुलीने स्वत:च्या हाताने खेचून काढले स्वतःचे डोळे, कारण वाचून धक्का बसेल

अमेरिकेतील ही धक्कादायक घटना आहे. कायली मुथर्ट असं या महिलेचं नाव आहे. 20 वर्षांची कायली एकेकाळी केली एक उत्कृष्ट विद्यार्थिनी होती आणि नॅशनल ऑनर सोसायटीची सदस्य देखील होती. पण बायपोलर डिसऑर्डर आणि मानसिक ताणामुळे तिचं आयुष्य पूर्णपणे बदललं. वयाच्या सतराव्या वर्षी तिने पैसे कमवण्यासाठी शाळा सोडली. पण वयाच्या एकोणिसाव्या वर्षी ती चुकीच्या लोकांमध्ये अडकली आणि ड्रग्जच्या व्यसनाची बळी पडली. एके दिवशी तिने मेथ नावाच्या ड्रग्जचा जास्त डोस घेतला, त्यानंतर तिच्यासोबत ही भयानक घटना घडली.

एकदा तिने हे ड्रग्ज घेतलं तेव्हा तिला मानसिक झटका आला. त्या काळात केलीला वाटलं की अशाप्रकारे स्वतःला इजा करून ती संपूर्ण जगाला वाचवेल आणि देवाच्या जवळ जाईल. ही घटना घडली तेव्हा केली तिच्या आईच्या सल्ल्यानुसार व्यसनापासून मुक्त होण्यासाठी पुनर्वसन केंद्रात जाणार होती.

असं म्हटलं जातं की, नशेमुळे केलीला एक भ्रम झाला होता. ज्यामध्ये तिला वाटलं की तिला चर्चमध्ये कोणालातरी भेटावं लागेल. त्याच वेळी तिची मैत्रीण तिथून गेली आणि म्हणाली, "मी घराला कुलूप लावलं आहे. तुमच्याकडे दुसरी चावी आहे का?" हे ऐकून केलीला वाटलं की कोणीतरी तिच्याकडून 'बलिदान' मागत आहे. कॉस्मोपॉलिटन मासिकाला दिलेल्या मुलाखतीत केली म्हणाली, "मला आठवतं की मला वाटलं की जग वाचवण्यासाठी एखाद्याला काहीतरी महत्त्वाचं बलिदान द्यावं लागेल आणि ती व्यक्ती मीच होते. अशा परिस्थितीत मी माझ्या अंगठ्याने, तर्जनीने आणि मधल्या बोटाने डोळा धरला, वळवला आणि डोळा बाहेर येईपर्यंत तो ओढला. मला वाटलं की हे माझ्यासाठी सर्वात कठीण काम आहे."

केलीला या अवस्थेत पाहिलं तेव्हा ती ओरडत होती, "मला प्रकाश पाहायचा आहे." जेव्हा एका पुजाऱ्याने तिला या अवस्थेत पाहिले तेव्हा तो लगेच मदतीसाठी धावला. केलीचा असा विश्वास आहे की जर पुजाऱ्याने तिला मदत केली नसती तर तिचे डोळे काढून टाकल्यानंतर तिच्या मेंदूलाही नुकसान झालं असतं.

केली म्हणाली, "नंतर पाद्रीने सांगितलं की जेव्हा त्याने मला पाहिलं तेव्हा माझे डोळे माझ्या हातात होते. मी त्यांना दाबलं होतं, पण ते माझ्या डोक्याशी कसेतरी चिकटून होते." यानंतर केलीला ताबडतोब रुग्णालयात नेण्यात आलं, जिथं डॉक्टरांना तिला धरण्यासाठी सात लोकांची मदत घ्यावी लागली, जेणेकरून ते तिच्या डोळ्यांचे उर्वरित भाग काढून टाकू शकतील आणि संसर्ग रोखू शकतील.

केलीने एका मुलाखतीत सांगितलं की या भयानक घटनेनंतर तिने औषधं सोडली. यानंतर तिने ब्रेल आणि अनेक तंत्रांमध्ये प्रभुत्व मिळवलं आणि एका रेस्टॉरंटमध्ये काम करू लागली. आज केली सकारात्मक जीवन जगत आहे. ती म्हणते, "कधीकधी मला वाटतं की अंध असणं माझ्यासाठी एक वरदान आहे, कारण जर मी पाहू शकले असते तर मला पुन्हा ड्रग्जचं व्यसन लागलं असत. मला आनंद आहे की मी आता पाहू शकत नाही, अन्यथा त्यातून बाहेर पडणं माझ्यासाठी खूप कठीण झालं असतं." फेब्रुवारी 2018 मधील ही घटना आहे.