World Poorest Man : जगातील सगळ्यात गरीब व्यक्ती! 4950000000000 कर्जाचा आकडा वाचतानाच बोबडी वळते, कोण आहे ती?

जगात सर्वात जास्त पैसे असलेल्या लोकांच्या नावांची यादी तुम्ही पाहिली असेल, तुम्हाला त्यापैकी अनेकांची नावे आठवत असतील. पण या माणसाचे नाव या यादीत सर्वात तळाशी आहे. तो असा माणूस आहे ज्याला जगातील सर्वात कर्जबाजारी आणि सर्वात गरीब व्यक्ती म्हटलं जातं. गरिबीचा अर्थ नेहमीच रिकामा खिसा नसतो, कधीकधी कर्जात बुडलेल्या व्यक्तीला सर्वात गरीब देखील म्हटलं जातं. असाच गरीब आहे तो फ्रान्सचा जेरोम केरविएल.

तो बँकेत ज्युनियर डेरिव्हेटिव्ह ट्रेडर म्हणून काम करत होता. पण तंत्रज्ञान आणि ट्रेडिंग कौशल्यांबद्दलची त्याची समज इतकी प्रबळ होती की लवकरच तो कोट्यवधींचा व्यवहार करू लागला. तो बँकेच्या डेल्टा वन विभागात काम करत होता जो स्टॉक ट्रेडिंग, अल्गोरिदम आणि गुंतवणुकीशी संबंधित आहे.

सुरुवातीला बँकेला याची माहितीही नव्हती कारण जेरोम तंत्रज्ञानाच्या मदतीने प्रत्येक अनियमितता लपवत असे. पण 2008 मध्ये जेव्हा बँकेला संशय आला आणि चौकशी करण्यात आली तेव्हा 19 जानेवारी 2008 रोजी त्याचा मोठा घोटाळा उघडकीस आला. या खुलाशाने बँकेला हादरवून टाकलं.

या घटनेनंतर 2015 मध्ये त्याला 3 वर्षांच्या तुरुंगवासाची शिक्षा सुनावण्यात आली. न्यायालयाने त्याला विश्वासघात, फसवणूक आणि अनधिकृत संगणक वापराच्या आरोपाखाली दोषी ठरवले. त्याने त्याची शिक्षा पूर्ण केली आहे, परंतु कर्ज अजूनही त्याच्यावर आहे.

तुरुंगातून सुटल्यानंतर, जेरोम आता सामान्य जीवन जगण्याचा प्रयत्न करत आहे, परंतु त्याच्या डोक्यावरील कर्जाचा बोजा त्याला नेहमीच जगातील सर्वात गरीब व्यक्ती बनवेल.