सोयाबीनचा तोरा वाढला! दरात मोठी सुधारणा, सध्याचं मार्केट काय?

मुंबई : राज्यातील कृषी बाजारपेठांमध्ये  सोयाबीनची मोठी उलाढाल नोंदवली गेली. विविध प्रमुख बाजार समित्यांमध्ये मिळून तब्बल ७३ हजार ४३८ क्विंटल सोयाबीनची आवक झाली. गेल्या काही दिवसांपासून आवक आणि दर यात चढ-उतार जाणवत होते. विशेषतः पिवळ्या जातीच्या सोयाबीनला ५ हजार ५०० ते ५ हजार ९५० रुपये प्रति क्विंटल इतका उच्च दर मिळाल्याने शेतकऱ्यांमध्ये समाधानाचे वातावरण दिसून आले. स्थानिक आणि हायब्रीड जातीच्या सोयाबीनलाही मागणी वाढलेली पाहायला मिळाली.