Trending:

दत्त जयंतीच्या दिवशी सोयाबीनच्या दरात मोठी ऊसळी! बाजार भाव स्थिर राहणार का?

Published by:Ajit Bhabad

Last Updated:Dec 04, 2025 12:51 PM IST

Soyabean Rate Today : राज्यातील विविध बाजार समित्यांमध्ये सोयाबीनच्या दरात आज लक्षणीय चढ-उतार पाहायला मिळाले.

इम्पॅक्ट शॉटतुमचा गेटवे लेटेस्ट न्यूज

मुंबई : राज्यातील विविध बाजार समित्यांमध्ये सोयाबीनच्या दरात आज लक्षणीय चढ-उतार पाहायला मिळाले. मोठ्या प्रमाणात आवक वाढत असतानाही सोयाबीनला अनेक ठिकाणी चांगला दर मिळत आहे. पिवळ्या, पांढऱ्या, हायब्रीड आणि स्थानिक अशा सर्व प्रकारच्या सोयाबीनमध्ये मागणीनुसार दरातील फरक स्पष्ट दिसून येत आहे.

लासलगाव, सिन्नर व माजलगावमध्ये दर स्थिर

लासलगाव बाजारात 988 क्विंटल आवक नोंदली असून किमान दर 3400 व जास्तीत जास्त 4571 रुपये मिळाले. सरासरी भाव 4490 रुपये नोंदवला गेला. विंचूर उपबाजारातही 4475 चा सरासरी दर मिळून स्थिरता दिसून आली.

सिन्नर आणि सिन्नर-हिवरगाव येथे अनुक्रमे 4450 रुपये सरासरी दर राहिला. हिवरगावमध्ये जास्तीत जास्त भाव 4700 पर्यंत पोहोचला, ज्यामुळे या पट्ट्यात दर्जेदार मालाला मागणी असल्याचे स्पष्ट होते.

कारंजा, चंद्रपूर व छत्रपती संभाजीनगरमध्ये तेजी

कारंजा बाजारात तब्बल 3500 क्विंटल आवक व 4575 रुपयेपर्यंत जास्तीत जास्त भावाने खरेदीदारांची स्पर्धा जाणवली. चंद्रपूर येथे सरासरी भाव 4370 रुपये राहिला तर छत्रपती संभाजीनगरमध्ये 4415 पर्यंत भाव गेला. या तिन्ही बाजारांत मालाचे योग्य प्रमाण आणि उत्कृष्ट गुणवत्ता असल्याने दर उच्च पातळीवर टिकले.

सर्वाधिक आवक लातूरमध्ये 10,765 क्विंटल इतकी नोंदली गेली. सरासरी भाव 4500 रुपये राहिला. जालना बाजारात मात्र दरांनी विक्रमी उंची गाठली. 5500 रुपये हा सर्वाधिक आणि सरासरीही याच स्तरावर स्थिर राहिला. हा आजचा राज्यातील सर्वोच्च भाव ठरला. अकोला, यवतमाळ, खामगाव, वाशीम या पट्ट्यांमध्येही पिवळ्या सोयाबीनला 4300 ते 4700 रुपये दरम्यानचे चांगले भाव मिळाले.

विदर्भात मिश्र स्थिती

नागपूर बाजारात केवळ 3 क्विंटल आवक असली तरी भाव 8000 ते 8200 रुपये मिळून सर्वांना आश्चर्यचकित केले. अत्यल्प प्रमाणात आलेला उच्च प्रतीचा माल असल्याने हा विक्रमी दर मिळाला. वर्धा, आर्वी, चिखली, वरोरा, उमरखेड या बाजारांत भाव 3900 ते 4550 दरम्यान राहिला.

मराठवाड्यात भाव स्थिर

हिंगोलीमध्ये 4250 चा सरासरी भाव, गेवराईत 4200, परतूरमध्ये 4450 आणि गंगाखेडमध्ये 4400 भाव नोंदवला गेला. दऱ्यापूर, वणी, मुर्तीजापूर या बाजारांत आवक असूनही काही ठिकाणी दर 3500 च्या खाली घसरले, तर उच्च दर्जाच्या मालाला 4400–4500 पर्यंत भाव मिळाला.

बाजाराचा कल काय सांगतो?

उत्तम प्रतीच्या सोयाबीनला सर्वत्र चांगला दर मिळत आहे. पिवळ्या सोयाबीनमध्ये सर्वाधिक तेजी दिसली. जालना, नागपूर हे आजचे सर्वाधिक भावाचे केंद्र ठरले.

दर्जाहीन किंवा जास्त आर्द्रतेच्या मालाला 3000–3500 रुपये इतकाच भाव मिळत आहे.

view comments