आज राज्यावर 'शक्ती'चं संकट, शेतकऱ्यांची चिंता वाढली, कोणत्या जिल्ह्यांसाठी धोकादायक ठरणार?

मुंबई : महाराष्ट्रात गेल्या दोन दिवसांपासून पावसाने थोडी उसंत घेतली असली, तरी पुढील काही दिवस राज्यासाठी धोक्याचे ठरू शकतात. हवामान खात्याच्या ताज्या अंदाजानुसार, अरबी समुद्रात निर्माण झालेलं ‘शक्ती’ हे चक्रीवादळ तीव्र होत असून, आजपासून काही दिवस अधिक शक्तिशाली रूप धारण करू शकतं. हे या हंगामातील पहिलं मोठं चक्रीवादळ ठरण्याची शक्यता असून, त्याचा थेट परिणाम महाराष्ट्राच्या किनारपट्टीवर आणि आसपासच्या जिल्ह्यांवर होऊ शकतो.