दिवाळीनिमित्त मोदी सरकारचं शेतकऱ्यांना मोठं गिफ्ट! आज करणार ४२ हजार कोटींचे पॅकेज जाहीर, कसा मिळणार फायदा?

चौहान म्हणाले, “देशभरातील सर्व जिल्ह्यांची उत्पादकता सारखी नाही. काही ठिकाणी उत्पादन चांगले आहे, तर काही भागात अत्यंत कमी आहे. त्यामुळे आम्ही कमी उत्पादकता असलेल्या १०० जिल्ह्यांची निवड केली असून, त्या भागांमध्ये शेती उत्पादकता वाढवण्यासाठी ‘पंतप्रधान धन-धान्य कृषी योजना’अंतर्गत विशेष प्रयत्न केले जाणार आहेत.”

भारत अजूनही कडधान्यांच्या बाबतीत पूर्णपणे स्वावलंबी झालेला नाही, हे मान्य करत चौहान यांनी सांगितले की, २०३०-३१ पर्यंत देशाला कडधान्यांत आत्मनिर्भर बनवण्याचे लक्ष्य ठेवले आहे.

आज शनिवारी पंतप्रधान मोदी देशभरातील यशस्वी शेतकरी उत्पादक कंपन्या, नैसर्गिक शेती करणारे शेतकरी आणि कृषी नवोन्मेषकांशी थेट संवाद साधणार आहेत. या संवादातून शेतकऱ्यांना नव्या योजनांची माहिती मिळेल आणि त्यांच्या अडचणी जाणून घेऊन उपाययोजना आखली जाईल.

शेतकऱ्यांमध्ये सर्वाधिक उत्सुकता असलेल्या पीएम किसान सन्मान निधीच्या 21 व्या हप्त्याबाबत अद्याप कोणतीही अधिकृत घोषणा करण्यात आलेली नाही. याधी २०२४ मध्ये दिवाळीपूर्वी ५ ऑक्टोबर रोजी हप्ता जमा झाला होता. २०२२ मध्ये १७ ऑक्टोबरला शेतकऱ्यांच्या खात्यात पैसे जमा झाले होते. त्यामुळे यंदाही दिवाळीपूर्वी म्हणजे ऑक्टोबरच्या मध्यापर्यंत शेतकऱ्यांच्या खात्यात २ हजार रुपये जमा होण्याची शक्यता वर्तवली जात आहे.