कोटींची उलाढाल, बक्कळ नफा, भारत अमेरिकेचा सर्वात मोठा झिंगा सप्लायर कसा बनला?

मुंबई: गेल्या दोन दशकांत भारतातील कोळंबी शेती शेतकऱ्यांसाठी उत्पन्नाचा एक प्रमुख स्रोत बनली आहे. विशेषतः आंध्र प्रदेशसारख्या राज्यात हजारो शेतकरी कोळंबी शेतीतून आपला उदरनिर्वाह करतात. अमेरिकन बाजारपेठेच्या प्रचंड मागणीने भारतीय शेतकऱ्यांना समृद्धीचा मार्ग दाखवला होता. पण आता अमेरिकेने लादलेल्या नवीन शुल्कामुळे या यशोगाथेला ब्रेक लागला आहे. या निर्णयाचा थेट परिणाम लाखो शेतकरी आणि कामगारांच्या उपजीविकेवर होत आहे.